Суша (рака)

У паняцця ёсць і іншыя значэнні, гл. Суша (значэнні).

Су́ша^[2][3] — рака ў Беларусі, у Клічаўскім і Кіраўскім раёнах Магілёўскай вобласці, левы прыток ракі Ольса (басейн Дняпра).

Суша
Характарыстыка
Даўжыня	40 км
Басейн	354 км²[1]
Расход вады	1,5 м³/с (у вусці)
Вадацёк
Выток
• Месцазнаходжанне	за 2 км ад вёскі Рагі
• Каардынаты	53°32′05,18″ пн. ш. 29°36′54,5″ у. д.HGЯO
Вусце	Ольса
• Месцазнаходжанне	за 0,7 км ад вёскі Ваевічы
• Вышыня	142 м
• Каардынаты	53°24′42,74″ пн. ш. 29°19′11,45″ у. д.HGЯO
Ухіл ракі	0,6 м/км
Размяшчэнне
Водная сістэма	Ольса → Бярэзіна → Дняпро → Чорнае мора
Краіна	Беларусь
Рэгіён	Магілёўская вобласць
Раёны	Клічаўскі раён, Кіраўскі раён
выток вусце
— выток, — вусце

Даўжыня ракі 40 км. Плошча вадазбору 354^[2] (364^[4][3], 347^[5]) км². Сярэдні гадавы расход вады ў вусці 1,5 м³/с. Сярэдні нахіл воднай паверхні 0,6 м/км.

Пачынаецца за 2 км на ўсход ад вёскі Рагі Клічаўскага раёна, вусце за 0,7 км на поўдзень ад вёскі Ваевічы Клічаўскага раёна. Цячэ ў межах Цэнтральнабярэзінскай раўніны, на вялікім працягу праз лясныя масівы. Даліна невыразная, у ніжнім цячэнні зліваецца з далінай Ольсы, шырыня ад 0,5 км да 1 км. Пойма перарывістая, чаргуецца па берагах, шырыня ад 0,1—0,2 км у верхнім і сярэднім цячэнні да 0,4—0,6 км ніжэй упадзення Перасопенкі. Рэчышча ад вытоку (шырыня 5—7 м), на працягу 7,5 км каналізаванае, ніжэй свабодна меандруе, моцназвілістае. Берагі спадзістыя. Рака прымае сцёк з сеткі меліярацыйных каналаў. Асноўныя прытоки — Перасопенка (справа), Веткаўка (злева).

Каля ракі населеныя пункты Гарадзец, Рудня, Перасопня.

Зноскі

1. Суша // Беларуская энцыклапедыя: У 18 т. Т. 15: Следавікі — Трыо — Мн.: Беларуская Энцыклапедыя імя Петруся Броўкі, 2002. — С. 299. — 552 с. — ISBN 985-11-0251-2

   <a href='https://wikidata.org/wiki/Track:Q13028710'></a><a href='https://wikidata.org/wiki/Track:Q24038862'></a><a href='https://wikidata.org/wiki/Track:Q14271902'></a>
2. БелЭн 2002.
3. Блакітная 1994.
4. ЭПБ 1986.
5. Основные характеристики речных бассейнов (с площадью водосбора более 200 кв. км) Могилёвской области // Справочник «Водные объекты Республики Беларусь» Архівавана 29 чэрвеня 2024. (руск.)