Сцяг Курдыстана

Сцяг Курдыстана (або Курдскі сцяг, з курдскай мовы: Alaya Kurdistanê, таксама названы Alay Rengîn («маляўнічы сцяг») спачатку з'явіўся падчас курдскага руху за незалежнасць ад Асманскай імперыі.

Сцяг Курдыстана
Зацверджаны	19 сакавіка 1992
Прапорцыя	2:3

Галоўная асаблівасць курдскага сцяга — зіхоткая залатая эмблема сонца ў цэнтры - старажытнага рэлігійнага і культурнага сімвала курдаў. Сонечны дыск мае 21 прамень, усе прамяні роўныя па памеры і форме. Важнасць ліку 21 закладзена ў старажытных язданісцкіх рэлігійных традыцыях ў курдаў.

Чырвоны колер сімвалізуе кроў курдскіх пакутнікаў ў працяглай барацьбе за свабоду і годнасць свайго народа, зялёны - прыгажосць краявідаў Курдыстана, белы - мір і роўнасць, жоўты - пачатак жыцця і святло для людзей.