Сцяг Туркменістана

Сцяг Туркменістана — афіцыйны сімвал Рэспублікі Туркменістан.

Сцяг Рэспублікі Туркменістан
Зацверджаны	25 чэрвеня 2001
Прапорцыя	2:3
1 лютага 1997 — 25 чэрвеня 2001 19 лютага 1992 — 1 лютага 1997 27 кастрычніка 1991 — 19 лютага 1992 (Сцяг Туркменскай ССР 1 жніўня 1953 — 27 кастрычніка 1991)
Прапорцыя	1:2

Сцяг уяўляе сабой зялёнае палотнішча з вертыкальна размешчанай чырвонай паласой і пяццю арнаментамі ў аснове сцяга. Знізу гэтай паласы намаляваны аліўкавыя галіны. Побач з паласой каля верхняга краю сцяга — белы паўмесяц і пяць белых зорак.

Пяць арнаментаў-гёляў азначаюць пяць велаятаў краіны. Аліўкавыя галіны сімвалізуюць абвешчаны ў 1995 годзе нейтралітэт Туркменістана.

Дзень сцяга Туркменістана

У дзень нараджэння першага прэзідэнта Туркменістана Сапармурата Туркменбашы 19 лютага 1992 г. быў зацверджаны Дзяржаўны сцяг Туркменістана. Дзень 19 лютага зараз урачыста адзначаецца як усенароднае свята туркменскага народа.