Сцяпан Прохаравіч Маргелаў

Сцяпан Прохаравіч Маргелаў (28 сакавіка 1902, в. Расохавічы, Касцюковіцкі раён, Магілёўская вобласць — 29.10.1937 ці 16.6.1938, Мінск, турма НКУС) — беларускі эканаміст, географ.

Сцяпан Прохаравіч Маргелаў
Дата нараджэння	28 сакавіка 1902(1902-03-28)
Месца нараджэння	Расохавічы[d], Клімавіцкі павет, Магілёўская губерня, Расійская імперыя
Дата смерці	29 кастрычніка 1937(1937-10-29) (35 гадоў) ці 16 чэрвеня 1938(1938-06-16) (36 гадоў)
Месца смерці	НКУС Менска[d], Менск, СССР
Род дзейнасці	географ
Месца працы	Інстытут эканомікі НАН Беларусі Беларускі дзяржаўны эканамічны ўніверсітэт
Навуковая ступень	кандыдат эканамічных навук і кандыдат навук
Альма-матар	Беларуская дзяржаўная сельскагаспадарчая акадэмія
Творы ў Вікікрыніцах

У Вікіпедыі ёсць артыкулы пра іншых людзей з прозвішчам Маргелаў.

Біяграфія

Скончыў Беларускую сельскагаспадарчую акадэмію (1927), аспірантуру пры НДІ сельскай і лясной гаспадаркі (1930). Падчас вучобы ў аспірантуры ўваходзіў у Прэзідыум Савета НДІ, дзе працаваў разам са знакамітымі географамі А. Смолічам і Г. Гарэцкім. Найбольшы ўплыў на яго аказаў М. М. Баранскі, які з'яўляўся навуковым кіраўніком па напісанню дысертацыі. З 1931 працаваў у Інстытуце эканомікі АН БССР: вучоны сакратар інстытута, загадчык секцыі эканамічнай геаграфіі. Адначасова выкладаў у Інстытуце народнай гаспадаркі, прафесар. Кандыдат эканамічных навук (1934). Распрацоўваў тэорыю размяшчэння ў БССР тэхнічных сельскагаспадарчых культур і перапрацоўчай прамысловасці. Адзін з кіраўнікоў групы па складанні Вялікага атласа БССР.

Арыштаваны 23.1.1937 у Мінску. Асуджаны пазасудовым органам НКУС 28.10.1937 як «член з 1927 антысавецкай тэрарыстычнай шпіёнскай шкодніцкай арганізацыі» да ВМП з канфіскацыяй маёмасці. Рэабілітаваны ваеннай калегіяй Вярхоўнага суда СССР 19.7.1957. Асабовая справа М. № 10673-с захоўваецца ў архіве КДБ Беларусі.

Літаратура

• Маргелаў Сцяпан Прохаравіч // Беларуская энцыклапедыя : у 18 т. / рэдактар Г. П. Пашкоў. — Мінск, 2000. — Т.10. — С. 108.