Сылгудзішкі

Сылгудзішкі або Сылгудышкі (літ: Saldutiškis) — мястэчка ў Літве, у этнаграфічным рэгіёне Аўкштайція. Цэнтр сянюніі ва Уцянскім павеце. Размешчаны прыкладна за 90 км на паўночны ўсход ад Вільні і 20 км на паўднёвы ўсход ад горада Уцяна.

Населены пункт
Сылгудзішкі
Герб
55°21′10″ пн. ш. 25°48′50″ у. д.HGЯO
Краіна	Літва
Гісторыя і геаграфія
Вышыня цэнтра	166 м
Часавы пояс	UTC+2
Насельніцтва
Насельніцтва	343 чал. (2011)
Паказаць/схаваць карты
Сылгудзішкі
Медыяфайлы на Вікісховішчы

Гісторыя

Паходжанне вёскі датуецца XVIII стагоддзем і звязана з сядзібай, якая належала сям'і Ялавецкіх. Апошнім уладальнікам сядзібы і маёнтка быў мясцовы землеўладальнік, аграном і дыпламат Мечыслаў Ялавецкі.

З 1916 па 1918 гг. тут знаходзіўся акруговы цэнтр (Kreisamt Saldugischki). У 1944 г. вёска, сядзіба і царква згарэлі. У сярэдзіне XIX стагоддзя ў Сылгудзішках пражывала 25 чалавек, цяпер тут пражывае 343 жыхары (2011 г.). З 1950 па 1959 гг. Сылгудзішкі ўваходзілі ў склад Свянцянскага павета, а ў цяперашні час — у склад Уцянскага павета.

З 2002 г. горад мае свой уласны герб, нададзены ўказам прэзідэнта Літоўскай Рэспублікі.

Славутасці

• На поўдзень ад вёскі знаходзіўся драўляны будынак вузкакалейнай чыгуначнай станцыі на лініі Свянцяны — Панявеж у закапанскім стылі, пабудаваны ў 1899 г. паводле праекта Станіслава Віткевіча закапанскімі цеслярамі.
• На ўзгорку, недалёка ад рынкавай плошчы, стаіць руінамі разбураны панскі дом дзевятнаццатага стагоддзя — былая рэзідэнцыя роду Ялавецкіх, магілы якіх знаходзяцца на могілках на паўднёвай ускраіне горада.
• У горадзе ёсць касцёл, прысвечаны святому Францішку Асізскаму, пабудаваны ў 1928 г. і адноўлены пасля пажару.