Сьера-Марэна

Сьера-Марэна (ісп.: Sierra Morena) — горы на поўдні пласкагор’я Месета ў паўднёвай частцы Іспаніі. Працягласць 400 км. Фармуе водападзел паміж басейнамі рэк Гвадалквівір і Гвадыяна. Найвышэйшы пункт — гара Баньюэлас (1332 м) у масіве Сьера-Мадрона, паўднёвы схіл хрыбта рэзка абрываецца да Андалускай нізіны. Іншымі вядомымі пікамі з’яўляюцца Карал-дэ-Борас (1312 м) і Сера-дэ-ла-Эстрала (1298 м).

Сьера-Марэна
ісп. Sierra Morena
Краіна	Іспанія
Вышыня	1332 м
Медыяфайлы на Вікісховішчы

Хрыбет складзены крышталічнымі горнымі пародамі і ўтварыўся ў выніку ўзняцця, выкліканага рухам у паўночным напрамку Афрыканскай пліты. Радовішчы руд медзі і марганцу, ртуці; пірытаў, некаторыя з якіх распрацоўваюцца са старажытных часоў. Схілы Сьера-Марэны пакрыты вечназялёнымі хмызнякамі і шырокалісцевымі лясамі (дуб, бук, каштан).