Сэрвач (балота)

У паняцця ёсць і іншыя значэнні, гл. Сэрвач.

Сэ́рвач^[1][2] — балота ў Беларусі, у Докшыцкім (5000 га) і Глыбоцкім (500 га) раёнах Віцебскай вобласці, у вадазборы ракі Сэрвач.

Сэрвач
Краіна	Беларусь
Рэгіён	Віцебская вобласць
Плошча	50,5 км²
Найбольшая глыбіня	8,2 м
Сярэдняя глыбіня	3,3 м

Балота складаецца з вярховага (68 %), нізіннага (19 %) і мяшанага (13 %) тыпаў. Агульная плошча складае 5500 га, у межах прамысловага адкладу — 5200 га. У балоце значныя запасы гідролізнага торфу. Найбольшая глыбіня залягання да 8,2 м, сярэдняя — 3,3 м. Агульныя запасы торфу на 1 студзеня 1984 каля 26,2 млн тон^[2]. Слой сапрапелю магутнасцю да 2,6 м.

Балота Сэрвач часткова асушана, выкарыстоўваецца пад сенажаць. На неасвоеных тэрыторыях пераважаюць асокі і хмызнякі. Месца гняздоўя вяртлявай чарацянкі^[3][4] і дупеля^[4].