Сямён Львовіч Талкачоў

У Вікіпедыі ёсць артыкулы пра іншых людзей з прозвішчам Талкачоў.

Сямён Львовіч Талкачоў (1907, Бабруйск — 1970) — беларускі піяніст , канцэртмайстар, педагог^[1].

Сямён Львовіч Талкачоў
Дата нараджэння	16 мая 1907(1907-05-16) ці 29 мая 1907(1907-05-29)
Месца нараджэння	Бабруйск, Бабруйскі павет, Мінская губерня, Расійская імперыя
Дата смерці	7 жніўня 1970(1970-08-07) (63 гады)
Месца смерці	Мінск, Беларуская ССР, СССР
Месца пахавання	Усходнія могілкі
Краіна	Расійская імперыя  СССР
Дзеці	Ларыса Сямёнаўна Талкачова
Альма-матар	Маскоўская дзяржаўная кансерваторыя імя П. І. Чайкоўскага (1930)
Месца працы	Нацыянальны акадэмічны Вялікі тэатр оперы і балета Рэспублікі Беларусь Беларуская дзяржаўная акадэмія музыкі
Музычная дзейнасць
Педагог	Валянціна Антонаўна Сямашка
Прафесіі	піяніст, канцэртмайстар, музычны педагог
Інструменты	фартэпіяна
Грамадская дзейнасць
Член у	БСТД
Узнагароды

Біяграфія

Скончыў Маскоўскую дзяржаўную кансерваторыю імя П. І. Чайкоўскага (1930). Працаваў у Маскве, Ленінградзе, Іркуцку, Куйбышаве. З 1938 года канцэртмайстар Дзяржаўнага тэатра оперы і балета БССР, адначасова выкладчык Беларускай кансерваторыі (1957—1967)^[1].

Член Беларускага саюза тэатральных дзеячаў з 1947 года.

Творчасць

Асабліва значная роля ў працы над нацыянальнымі операмі: «Міхась Падгорны» і «Алеся» Я. К. Цікоцкага, «У пушчах Палесся» і «Надзея Дурава» А. В. Багатырова, «Яснае світанне» і «Кветка шчасця» А. Я. Туранкова і інш^[1].

Узнагароды

Заслужаны артыст БССР (1949), народны артыст БССР (1964)^[1].