Сяргей Аляксандравіч Астроўскі

Сяргей Аляксандравіч Астроўскі (укр.: Сергій Олександрович Островський; нар. 3 кастрычніка 1960, Баранавічы, СССР) — украінскі вайсковец. Генерал-лейтэнант. Намеснік камандуючага сухапутнымі войскамі Украіны (2010—2011). Кавалер Ордэна Багдана Хмяльніцкага III ступені.

Сяргей Аляксандравіч Астроўскі
Дата нараджэння	3 кастрычніка 1960
Месца нараджэння	Баранавічы, СССР
Прыналежнасць	СССР → Украіна
Род войскаў	Механізаваныя войскі Украіны
Гады службы	1982 — 2011
Званне	генерал-лейтэнант
Камандаваў	6-я асобная механізаваная брыгада (2004) 8-ы армейскі корпус (2004—2010)
Бітвы/войны	Іракская вайна
Узнагароды і званні

Адукацыя

У 1982 годзе скончыў Кіеўскае вышэйшае танкавае інжынернае вучылішча, у 1991 — Ваенную акадэмію бранятанкавых войскаў імя Р. Маліноўскага, у 2003 — Нацыянальная акадэмія абароны Украіны.

Кар’ера

Праходзіў службу ў войсках Забайкальскай і Кіеўскай ваенных акругаў на пасадах камандзіра танкавага ўзвода, камандзіра танкавай роты, начальніка штаба — намесніка камандзіра танкавага батальёна, камандзіра танкавага батальёна.

З 1991 года працягваў службу ў заходняй групе войскаў (былая група савецкіх войск у Германіі), Прыкарпацкай ваеннай акрузе і Заходнім аператыўным камандаванні на пасадах намесніка камандзіра танкавага палка, камандзіра мотастралковага палка, намесніка камандзіра механізаванай дывізіі, начальніка штаба — першага намесніка камандзіра механізаванай дывізіі і камандзіра дывізіі.

У 2003 годзе прызначаны намеснікам камандуючага 13-га армейскага корпуса Заходняга аператыўнага камандавання. Пазней стаў камандзірам 6-й асобнай механізаванай брыгады ў Рэспубліцы Ірак. З лістапада 2004 і да мая 2010 года камандаваў 8-м армейскім корпусам Узброеных Сіл Украіны^[1].

У 2010 годзе прызначаны намеснікам камандуючага Сухапутных войскаў Узброеных Сіл Украіны. У 2011 годзе падаў рапарт на адстаўку.

Пасля пачатку ў 2014 годзе расійска-ўкраінскага канфлікту ўзяў на сябе кіраўніцтва Жытомірскім абласным штабам «Нацыянальнага Руху Супраціву»^[2].

Сям’я

Жанаты, мае дачку.

Узнагароды

• Ордэн Багдана Хмяльніцкага III ступені
• Ордэн «За заслугі» III ступені
• Узнагарода Міністэрства абароны Украіны «Доблесць і гонар»
• Медаль «10 гадоў Узброеным сілам Украіны»
• Медаль «15 гадоў Узброеным сілам Украіны»

Зноскі

1. Руководящий состав 8 АК Архівавана 25 червня 2014. (руск.)
2. У Житомирі штаб «Національного Руху Опору», який ініціювала Тимошенко, очолив Сергій Островський Архівавана 1 красавіка 2015.