Сяргей Аляксандравіч Кандрацьеў

У Вікіпедыі ёсць артыкулы пра іншых людзей з прозвішчам Кандрацьеў.

Сяргей Кандрацьеў (нар. 2 лютага 1990, Мінск) — беларускі футбаліст, абаронца.

Сяргей Кандрацьеў
Поўнае імя	Сяргей Аляксандравіч Кандрацьеў
Нарадзіўся	2 лютага 1990(1990-02-02)[1] (35 гадоў) Мінск, Беларуская ССР, СССР
Грамадзянства	Беларусь
Рост	178 см
Вага	73 кг[2]
Пазіцыя	абаронца
Клубная кар’ера[* 1]
2007 Мінск 0 (0) 2007 →  Мінск-2 8 (0) 2008—2012 Дынама (Мінск) 36 (0) 2013 Гомель 26 (0) 2014—2015 Дынама (Брэст) 47 (0) 2016 Нафтан (Наваполацк) 27 (0) 2017—2018 Белшына (Бабруйск) 46 (0) 2022 Вялес-2020 (Віцебск) 4 (0)
Нацыянальная зборная[* 2]
2006—2007 Беларусь (да 17) 5 (0) 2009 Беларусь (да 19) 3 (0) 2011—2012 Беларусь (да 21) 11 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. Колькасць гульняў і галоў за нацыянальную зборную ў афіцыйных матчах

Клубная кар’ера

Выхаванец мінскай школы «Змена», з 2008 года гуляў за мінскае «Дынама». У сезоне 2010 быў асноўным левым абаронцам, але потым быў выцеснены з асноўнага складу.

У лютым 2013 года перайшоў у «Гомель»^[3]. У гомельскім клубе трывала гуляў у аснове, звычайна на пазіцыі левага абаронцы, часам выкарыстоўваўся як правы абаронца. У лютым 2014 года кантракт з «Гомелем» быў разарваны^[4].

У сакавіку 2014 падпісаў кантракт з брэсцкім «Дынама»^[5]. У складзе брэсцкага клуба стаў выступаць на пазіцыі цэнтральнага абаронцы, часам таксама гуляў флангавага абаронцу. У матчы 3-га тура супраць «Белшыны» (12 красавіка) на 29-й хвіліне атрымаў чырвоную картку з-за канфлікту з арбітрам пасля выдалення Уладзіміра Шчэрбы^[6]. Застаўшыся ўдзевяцёх, брэсцкі клуб разгромна саступіў 0:7, а Кандрацьеў атрымаў трохматчавую дыскваліфікацыю.

У сезоне 2015 працягваў быць асноўным іграком «Дынама», стаў выступаць на пазіцыі левага абаронцы. Па заканчэнні сезона пакінуў клуб^[7].

У лютым 2016 года пасля прагляду падпісаў кантракт з наваполацкім «Нафтанам»^[8], дзе стаў іграком асновы. У студзені 2017 года накіраваўся ў стан бабруйскай «Белшыны» і ў лютым падпісаў кантракт^[9]. У складзе «Белшыны» таксама стаў асноўным абаронцам.

У студзені 2019 года перайшоў у жыткавіцкі ЮАС, аднак ужо ў красавіку пакінуў каманду і завяршыў прафесійную кар’еру^[10].

У жніўні 2022 года далучыўся да віцебскага «Вялеса-2020» у Другой лізе, выступаў за каманду да канца сезона.

Міжнародная кар’ера

Гуляў за моладзевыя зборныя Беларусі розных узростаў.

Дасягненні

• 02 Срэбраны прызёр чэмпіянату Беларусі: 2009
• 03 Бронзавы прызёр чэмпіянату Беларусі: 2012