Сяргей Антонавіч Каспяровіч

У Вікіпедыі ёсць артыкулы пра іншых людзей з прозвішчам Каспяровіч.

Сяргей Антонавіч Каспяровіч (нар. 8 студзеня 1976, Вілейка, Мінская вобласць, БССР) — эканаміст, спецыяліст у галіне матэматычных і інструментальных метадаў эканомікі. Кандыдат эканамічных навук (2003), дацэнт (2008). Рэктар Брэсцкага дзяржаўнага тэхнічнага ўніверсітэта (2023—2025). Рэктар Беларускага дзяржаўнага тэхналагічнага ўніверсітэта (з 2025)

Сяргей Антонавіч Каспяровіч
Дата нараджэння	8 студзеня 1976(1976-01-08) (49 гадоў)
Месца нараджэння	Вілейка, Вілейскі раён, Мінская вобласць, Беларуская ССР, СССР
Грамадзянства	Беларусь
Род дзейнасці	навуковец
Месца працы	Беларускі дзяржаўны тэхналагічны ўніверсітэт Міністэрства адукацыі Рэспублікі Беларусь БрДТУ
Навуковая ступень	кандыдат эканамічных навук (2003)
Навуковае званне	дацэнт
Альма-матар	Беларускі дзяржаўны тэхналагічны ўніверсітэт (1998) Акадэмія кіравання пры Прэзідэнце Рэспублікі Беларусь (2018)
Узнагароды
Медыяфайлы на Вікісховішчы

Біяграфія

У 1998 годзе скончыў Беларускі дзяржаўны тэхналагічны ўніверсітэт з адзнакай. У 2003 годзе абараніў дысертацыю на суісканне вучонай ступені кандыдата эканамічных навук па спецыяльнасці «Матэматычныя і інструментальныя метады эканомікі». Працаваў у Беларускім дзяржаўным тэхналагічным універсітэце з моманту яго сканчэння, працаваў намеснікам дэкана інжынерна-эканамічнага факультэта па вучэбнай і навуковай рабоце з 2004 па 2010 год, выконваў абавязкі загадчыка кафедры эканомікі і кіравання на прадпрыемствах з 2009 па 2010 год. Займаў пасаду дэкана факультэта з 2010 па 2011 год. У 2011—2016 гадах займаў пасаду прарэктара па вучэбнай рабоце.

З 2016 па 2023 год працаваў у Міністэрстве адукацыі Рэспублікі Беларусь начальнікам упраўлення вышэйшай адукацыі і начальнікам галоўнага ўпраўлення прафесійнай адукацыі.

У 2018 годзе скончыў Акадэмію кіравання пры Прэзідэнце Рэспублікі Беларусь.

17 студзеня 2023 года прызначаны рэктарам Брэсцкага дзяржаўнага тэхнічнага ўніверсітэта^[1].

20 лістапада 2025 года прызначаны рэктарам Беларускага дзяржаўнага тэхналагічнага ўніверсітэта^[2].

Узнагароды

• Ганаровая грамата Міністэрства эканомікі Рэспублікі Беларусь (2010)

Навуковая дзейнасць

Навуковыя працы прысвечаны эканоміцы і кіраванню народнай гаспадаркай і яе галінамі, эканоміцы прадпрыемства, прагназаванню і планаванню эканамічнай дынамікі, выкарыстанню эканоміка-матэматычных метадаў для распрацоўкі кіраўніцкіх рашэнняў, кіраванню інавацыямі, забеспячэнню эканамічнай бяспекі.

Аўтар і суаўтар больш за 70 навуковых прац, у тым ліку 11 вучэбна-метадычных дапаможнікаў.

Зноскі

1. Лукашэнка ўзгадніў назначэнне рэктараў трох ВНУ
2. Лукашэнка ўзгадніў назначэнне рэктараў у дзвюх ВНУ ў Мінску і Магілёве