Сяргей Васілевіч Ложачнік

Сяргей Васілевіч Ложачнік (нар. 10 лістапада 1981, в. Петкавічы, Дзяржынскі раён, Мінская вобласць) — беларускі дзяржаўны дзеяч.

Сяргей Васілевіч Ложачнік
Старшыня Шчучынскага раённага выканаўчага камітэта 5 сакавіка 2013 — 12 верасня 2019
Папярэднік	Сяргей Іосіфавіч Ушкевіч
Пераемнік	Аляксей Валянцінавіч Садоўскі
Старшыня Лідскага раённага выканаўчага камітэта 12 верасня 2019 — 2024
Папярэднік	Міхаіл Канстанцінавіч Карповіч
Пераемнік	Аляксандр Людвігавіч Вярсоцкі
Нараджэнне	10 лістапада 1981(1981-11-10)[1] (43 гады) Петкавічы, Дзяржынскі сельсавет, Дзяржынскі раён, Мінская вобласць, Беларуская ССР, СССР[1]
Адукацыя	Магiлёўскі дзяржаўны ўніверсітэт харчавання (2007)[2] Акадэмія кіравання пры Прэзідэнце Рэспублікі Беларусь (2013)[2]

Біяграфія

Беларус. У 2007 годзе скончыў Магілёўскі дзяржаўны ўніверсітэт харчавання па спецыяльнасці «машыны і апараты харчовых вытворчасцей», прысвоена кваліфікацыя інжынер-механік; у 2013 годзе — Акадэмію кіравання пры Прэзідэнце Рэспублікі Беларусь па спецыяльнасці «кіраванне аграпрамысловым комплексам».

Працоўную дзейнасць пачаў у 2001 годзе механікам сельскагаспадарчага вытворчага кааператыва «Крутагор’е-Петкавічы» Дзяржынскага раёна Мінскай вобласці.

У 2001—2002 гадах механік па рамонце і наладцы абсталявання мясной прамысловасці каўбаснага цэха калгаса імя Карла Маркса Валожынскага раёна Мінскай вобласці. У 2002—2004 фармоўшчык каўбасных вырабаў трэцяга разраду; аператар лініі прыгатавання фаршу пятага разраду ТАА «Віказ» Карэліцкага раёна Гродзенскай вобласці. У 2004—2009 гадах інжынер-тэхнолаг, з 2007 г. начальнік каўбаснага цэха ААТ «Агракамбінат „Дзяржынскі“» Мінскай вобласці. У 2009—2011 гадах начальнік Дзяржаўнай харчовай інспекцыі па якасці і стандартызацыі — галоўны дзяржаўны інспектар Дэпартамента ветэрынарнага і харчовага нагляду Міністэрства сельскай гаспадаркі і харчавання Рэспублікі Беларусь

У 2011—2013 дырэктар адкрытага акцыянернага таварыства «Шчучынскі масласырзавод» Гродзенскай вобласці.

З 5 сакавіка 2013 года старшыня Шчучынскага раённага выканаўчага камітэта.

12 верасня 2019 года прызначаны старшынёй Лідскага райвыканкама^[3]. Займаў гэтую пасаду да восені 2024 года, калі яго змяніў Аляксандр Вярсоцкі^[4].

Сям’я

Жанаты, выхоўвае дачку.

Зноскі

1. http://web.archive.org/web/20200408192730/http://schuchin.grodno-region.by/uploads/files/Biografija-na-sajt-Lozhechnik-S.V-1.pdf
2. https://news.tut.by/economics/653273.html
3. Прыняцце кадравых рашэнняў (бел.)  (нявызн.) ?. Прэс-служба Прэзідэнта Рэспублікі Беларусь. Праверана 17.09.2019.
4. Александр Версоцкий единогласно утверждён депутатами районного Совета депутатов в должности председателя Лидского райисполкома