Дзяржынскі сельсавет (Дзяржынскі раён)

У паняцця ёсць і іншыя значэнні, гл. Дзяржынскі сельсавет.

Дзяржы́нскі сельсавет — адміністрацыйна-тэрытарыяльная адзінка ў складзе Дзяржынскага раёна Мінскай вобласці Беларусі. Цэнтр — горад Дзяржынск (не ўваходзіць у склад).

Дзяржынскі сельсавет
Краіна	Беларусь
Уваходзіць у	Дзяржынскі раён
Уключае	23 населеныя пункты
Адміністрацыйны цэнтр	Дзяржынск (не ўваходзіць у склад)
Дата ўтварэння	21 кастрычніка 1940
Насельніцтва (2019)	2 676
Часавы пояс	UTC+03:00
Код аўтам. нумароў	5

Утвораны 21 кастрычніка 1940 года ў Дзяржынскім раёне Мінскай вобласці БССР у складзе вёсак Дзягільна, Макаўчыцы, Пархімаўшчына, Петкавічы, Шацілы, пасёлка Мелзавода, фермы «Гай», вылучаных са складу Дзяржынскага гарсавета, вёскі Нявелічы Фаніпальскага сельсавета і вёскі Клыпаўшчына Негарэльскага сельсавета з цэнтрам у горадзе Дзяржынск^[1]. 16 ліпеня 1954 года да сельсавета далучана тэрыторыя скасаванага Навасёлкаўскага сельсавета^[2]. Пасля вайны цэнтр сельсавета перанесены ў вёску Макаўчыцы. У маі 1960 года ў склад сельсавета са Станькаўскага сельсавета перададзены 11 населеных пунктаў (Арэхаўка, Вінаградаўка, Гарадзея, Зварыкаўшчына, Кукшавічы, Малінаўка, Марс, Пагулянка, Рабінаўка, Цвяткова і Юпіцер)^[3]. У 1974 годзе цэнтр сельсавета вернуты ў горад Дзяржынск.

Насельніцтва сельсавета паводле перапісу 2009 года — 2536 чалавек^[4], з іх 91,5 % — беларусы, 4,6 % — рускія, 2,9 % — палякі, 0,7 % — украінцы^[5]; паводле перапісу 2019 года — 2676 чалавек^[6].

Зноскі

1. Указ Президиума Верховного Совета БССР от 21 октября 1940 г. Об образовании Дзержинского сельсовета в составе Дзержинского района, Минской области // Сборник законов Белорусской ССР и указов Президиума Верховного Совета Белорусской ССР: 1938-1955 гг. — Мн.: Изд. Президиума Верхов. Совета БССР, 1956. — 347 с.
2. Указ Президиума Верховного Совета БССР от 16 июля 1954 г. Об объединении сельских советов Минской области // Сборник законов Белорусской ССР и указов Президиума Верховного Совета Белорусской ССР: 1938-1955 гг. — Мн.: Изд. Президиума Верхов. Совета БССР, 1956. — 347 с.
3. Рашэнні выканкома Мінскага абласнога Савета дэпутатаў працоўных ад 10 і 24 мая 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 16.
4. Колькасць насельніцтва населеных пунктаў Мінскай вобласці Беларусі паводле перапісу 2009 года
5. Этнічны склад насельніцтва сельсаветаў Беларусі паводле перапісу 2009 года
6. Колькасць насельніцтва населеных пунктаў Мінскай вобласці Беларусі паводле перапісу 2019 года