Сяргей Мікалаевіч Давыдоў

Сяргей Мікалаевіч Давыдоў (нар. 23 лістапада 1974, г. Крычаў, Магілёўская вобласць) — беларускі чыгуначнік, дэпутат Палаты прадстаўнікоў Нацыянальнага сходу Рэспублікі Беларусь VIII склікання.

Сяргей Мікалаевіч Давыдоў
Нараджэнне	23 лістапада 1974(1974-11-23) (50 гадоў) Крычаў, Крычаўскі раён, Магілёўская вобласць, Беларуская ССР, СССР
Адукацыя	БелДУТ Акадэмія кіравання пры Прэзідэнце Рэспублікі Беларусь
Месца працы	Магілёўскае аддзяленне Беларускай чыгункі
Узнагароды	Ганаровая грамата Магілёўскага абласнога выканаўчага камітэта[d] За добрасумленную працу на Беларускай чыгунцы Выдатнік Беларускай чыгункі

У Вікіпедыі ёсць артыкулы пра іншых людзей з прозвішчам Давыдоў.

Біяграфія

Нарадзіўся 23 лістапада 1974 года ў г. Крычаве Магілёўскай вобласці^[1].

Скончыў Беларускі дзяржаўны ўніверсітэт транспарту па спецыяльнасці «Будаўніцтва дарог і транспартных аб’ектаў»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае і мясцовае кіраванне»^[1].

Прайшоў працоўны шлях ад манцёра пуці да начальніка Крычаўскай дыстанцыі пуці Магілёўскага аддзялення Беларускай чыгункі^[1].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Крычаўскай акругі № 83. Член Пастаяннай камісіі па прамысловасці, паліўна-энергетычным комплексе, транспарце і сувязі^[1].

Узнагароды

Узнагароджаны Ганаровай граматай Магілёўскага абласнога выканаўчага камітэта, галіновымі ўзнагародамі Беларускай чыгункі, нагруднымі знакамі «За добрасумленную працу на Беларускай чыгунцы» III ступені, «Выдатнік Беларускай чыгункі»^[1].

Узнагароды

Жанаты, мае дваіх дзяцей^[1].

Зноскі

1. Біяграфія на сайце Палаты прадстаўнікоў Нацыянальнага сходу Рэспублікі Беларусь