Сяргей Мікалаевіч Малінін

У Вікіпедыі ёсць артыкулы пра іншых людзей з прозвішчам Малінін.

Сярге́й Мікала́евіч Малі́нін (13 чэрвеня (31 мая) 1907, Мінск — 20 мая 1972) — беларускі дзяржаўны дзеяч.

Сяргей Мікалаевіч Малінін
Намеснік Старшыні Савета Міністраў Беларускай ССР 1955 — 1958
Кіраўнік урада	Кірыл Мазураў Мікалай Аўхімовіч Ціхан Кісялёў
Нараджэнне	13 (26) чэрвеня 1907 ці 31 мая 1907(1907-05-31) Мінск, Мінскі павет, Мінская губерня, Расійская імперыя
Смерць	20 мая 1972(1972-05-20) (64 гады)
Месца пахавання	Мінск
Партыя	КПСС
Адукацыя	БДУ
Навуковая ступень	доктар эканамічных навук
Месца працы	БДУ
Узнагароды

Старшыня Дзяржплана БССР (1953—1965), Намеснік Старшыні Савета Міністраў БССР (1955—1958), доктар эканамічных навук, прафесар. Аўтар навуковых прац па эканоміцы і планаванні народнай гаспадаркі.

Біяграфія

Нарадзіўся 13 чэрвеня (31 мая) 1907 года ў Мінску.

У 1929 годзе скончыў Беларускі дзяржаўны ўніверсітэт, у 1938 годзе — Маскоўскі планавы інстытут Дзяржплана СССР.

У 1928—1936 гадах працаваў навуковым супрацоўнікам і загадчыкам сектарам эканомікі Інстытута арганізацыі і аздараўлення працы Усесаюзнага цэнтральнага савета прафесійных саюзаў.

З 1936 года і да пачатка Вялікай Айчыннай вайны — старшы навуковы супрацоўнік Інстытута эканомікі Акадэміі навук БССР і намеснік дырэктара па навуковай частцы.

У гады Вялікай Айчыннай вайны — палітрук роты, камісар батальёна, намеснік камандзіра стралковага палка па палітчасці.

У 1944—1946 гадах — лектар палітупраўлення Беларускай ваеннай акругі.

У 1946—1947 гадах — дырэктар Інстытута эканомікі Акадэміі навук БССР.

З 1947 года — на працы ў ЦК КП(б)Б: намеснік начальніка ўпраўлення прапаганды і агітацыі, загадчык аддзела планавых, фінансавых і гандлёвых органаў.

У 1953—1965 гадах займаў пасаду Старшыні Дзяржплана БССР. Адначасова ў 1955—1958 гадах — намеснік Старшыні Савета Міністраў БССР.

У 1966—1969 гадах — рэктар Беларускага інстытута народнай гаспадаркі.

З 1969 года — загадчык кафедры палітэканоміі БДУ.

У 1949—1952 гадах — кандыдат, у 1952—1966 гадах — член ЦК КПБ. Дэпутат Вярхоўнага Савета СССР (1958—1966), Вярхоўнага Савета БССР (1951—1959).

Памёр 20 мая 1972 года. Пахаваны ў Мінску.

Працы

• Экономика Белорусской ССР и перспективы ее развития: учебник. Мн., 1960 (в соавторстве);
• Народное хозяйство Белоруссии на современном этапе: учебник. Мн., 1964;
• Экономическая история БССР: учеб. пособие / под ред. С. Н. Малинина и К. И. Шабуни. Мн., 1969.

Спасылкі

• Старшыні Дзяржплана і Дзяржэканомплана Беларускай ССР, Міністры эканомікі Рэспублікі Беларусь. Сайт Міністэрства эканомікі Рэспублікі Беларусь.