Сяргей Міхайлавіч Сасноўскі

У Вікіпедыі ёсць артыкулы пра іншых людзей з прозвішчам Сасноўскі.

Сяргей Сасноўскі (нар. 14 жніўня 1981, Мінск) — беларускі футбаліст, абаронца. Ігрок нацыянальнай зборнай Беларусі (2009—2011). У цяперашні час працуе трэнерам у камандзе АБФФ U-17.

Сяргей Сасноўскі
Агульная інфармацыя
Поўнае імя	Сяргей Міхайлавіч Сасноўскі
Мянушка	Сасна
Нарадзіўся	14 жніўня 1981(1981-08-14)[1][2] (43 гады) Мінск, Беларуская ССР, СССР
Грамадзянства	Беларусь
Рост	190 см[3]
Вага	80 кг[3]
Пазіцыя	абаронца
Інфармацыя пра каманду
Каманда	АБФФ U-17
Пасада	трэнер
Маладзёжныя клубы
Алімпія (Мінск)
Клубная кар’ера[* 1]
2000—2001 Трактар (Мінск) 39 (2) 2002—2004 МТЗ-РІПА (Мінск) 57 (1) 2005 Зорка-БДУ (Мінск) 25 (2) 2006—2007 Нёман (Гродна) 49 (2) 2008—2010 БАТЭ (Барысаў) 72 (3) 2011—2012 Том (Томск) 22 (0) 2013 Мінск 30 (2) 2014 Тарпеда-БелАЗ (Жодзіна) 1 (0) 2015—2016 Нёман (Гродна) 44 (0)
Нацыянальная зборная[* 2]
2003 Беларусь (да 21) 1 (0) 2009—2011 Беларусь 17 (0)
Трэнерская кар’ера
2022 Мінск трэнер 2022 Мінск в. а. 2024— АБФФ U-17 трэнер
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 11 красавіка 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 11 ліпеня 2012
Медыяфайлы на Вікісховішчы

Клубная кар’ера

Выхаванец мінскай школы «Алімпія», пачаў прафесійную кар’еру ў мінскім «Трактары», пазней выступаў у МТЗ-РІПА, «Зорцы-БДУ» і «Нёмане».

У 2008—2010 гадах гуляў у складзе барысаўскага БАТЭ, з якім тройчы стаў чэмпіёнам краіны. 27 жніўня 2009 года ў матчы плэй-оф Лігі Еўропы з балгарскім «Літэксам» забіў два галы, тым самым «рэабілітаваўся», бо ў першым матчы з-за яго памылкі БАТЭ прайграў дома 0:1.

У пачатку 2011 года стаў іграком расійскага клуба «Том». Большую частку 2012 года прапусціў з-за траўмы.

У студзені 2013 года перайшоў у «Мінск» і стаў асноўным абаронцам каманды. Прывёў гэты клуб да перамогі ў Кубку Беларусі 2012/13 (у фінале забіў гол, а пасля атрымаў пашкоджанне, але застаўся на полі з перавязанай галавой).

У снежні 2013 года падпісаў кантракт з жодзінскім «Тарпеда-БелАЗ»^[4]. У жодзінскім клубе, аднак, згуляў толькі ў першым матчы сезона (29 сакавіка з «Нафтанам»), пасля чаго атрымаў траўму, з-за якой прапусціў увесь сезон 2014. У студзені 2015 года пакінуў «Тарпеда-БелАЗ» па заканчэнні кантракта^[5].

У лютым 2015 года апынуўся ў гродзенскім «Нёмане», з якім неўзабаве падпісаў кантракт"^[6]. У сакавіку 2015 года быў абраны капітанам каманды"^[7] і стаў асноўным цэнтральным абаронцам гродзенцаў. У студзені 2016 года падоўжыў кантракт з «Нёманам»^[8]. У другой палове сезона 2016, калі галоўным трэнерам гродзенцаў стаў Ігар Кавалевіч, страціў месца ў асноўным складзе. У снежні 2016 года стала вядома, што Сасноўскі пакідае «Нёман»^[9].

У студзені 2017 года прыбыў на прагляд у «Іслач»^[10], аднак клуб перад самым пачаткам сезона адмовіўся ад падпісання абаронцы, і той завяршыў кар’еру

Міжнародная кар’ера

У 2003 годзе згуляў адзін матч за моладзевую зборную Беларусі.

1 красавіка 2009 года дэбютаваў у нацыянальнай зборнай у таварыскім матчы супраць Казахстана. Усяго за зборную згуляў 17 матчаў.

Трэнерская кар’ера

Пасля завяршэння кар’еры перайшоў на трэнерскую працу на юнацкім узроўні, працаваў у структуры «Мінска».

У жніўні 2019 года атрымаў трэнерскую ліцэнзію катэгорыі B^[11], у снежні 2021 года — трэнерскую ліцэнзію катэгорыі A^[12].

У сезоне 2022 уваходзіў у трэнерскі штаб асноўнай каманды «Мінска», а ў лістападзе 2022 года, пасля сыходу Вадзіма Скрыпчанкі, узначаліў каманду на апошні матч сезона — у Кубку Беларусі супраць салігорскага «Шахцёра»^[13]. Пасля стаў працаваць старшым трэнерам у Акадэміі футбола АБФФ. У пачатку 2024 года ўвайшоў у трэнерскі штаб каманды АБФФ U-17, якая далучылася да Першай лігі чэмпіянату Беларусі^[14][15][16].

Дасягненні

• 01 Чэмпіён Беларусі (3): 2008, 2009, 2010
• Уладальнік Кубка Беларусі (2): 2010, 2013
• Пераможца Другой лігі чэмпіянату Беларусі: 2002
• Найлепшы абаронца чэмпіянату Беларусі: 2008
• У спісе 22 найлепшых ігракоў чэмпіянату Беларусі (2): 2008, 2009