Сяргей Мікалаевіч Урванцоў

Сяргей Мікалаевіч Урванцоў (12 чэрвеня 1863, Казань — 5 студзеня 1937) — беларускі медык і арганізатар аховы здароўя^[1].

Сяргей Мікалаевіч Урванцоў
руск.: Сергей Николаевич Урванцов
Дата нараджэння	12 чэрвеня 1863(1863-06-12)
Месца нараджэння	Казань, Казанскі павет[d], Казанская губерня, Расійская імперыя
Дата смерці	5 студзеня 1937(1937-01-05) (73 гады)
Месца пахавання	Вайсковыя могілкі
Грамадзянства	Расійская імперыя  СССР
Род дзейнасці	урач, медыцынскі адміністратар
Навуковая ступень	доктар медыцыны[d]
Альма-матар	медыцынскі факультэт Імператарскага Казанскага ўніверсітэта[d] (1893)
Член у	Таварыства мінскіх урачоў
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Урванцоў.

Біяграфія

Паходжанне і адукацыя

Нарадзіўся ў Казані ў сям’і Мікалая Мікалаевіча Урванцова, прадстаўніка вядомага казанскага роду^[2]. Браты Сяргея Урванцова, Леў  (руск.) і Мікалай, а таксама сын Льва Міхаіл, былі вядомыя прафесійнай дзейнасцю, звязанай з тэатральнай справай^[2].

Скончыў медыцынскае аддзяленне Казанскага Імператарскага ўніверсітэта ў 1893 годзе^[2][3]. У 1898 годзе атрымаў званне доктара медыцыны^[1].

Прафесійная дзейнасць

У 1902 годзе ўзначаліў туберкулёзны санаторый Чырвонага Крыжа ва Уфімскай губерні  (руск.)^[3].

З 1907 года займаў пасаду ўрачэбнага інспектара пры ўрачэбным аддзяленні Мінскага губернскага праўлення^[4]. Гэтую пасаду займаў да 1917 года^[3].

У савецкі час ён працаваў загадчыкам лячэбным і санітарна-эпіядэміялагічным аддзеламі Мінскага губернскага аддзела аховы здароўя БССР, а потым — галоўным урачом некалькіх мінскіх бальніц^[3].

Памёр 5 студзеня 1937 года. Пахаваны на Вайсковых могілках Мінска^[3].

Грамадская дзейнасць

Адразу пасля прыезду на працу ў Мінск стаў актыўным членам Таварыства мінскіх урачоў, а ў хуткім часе і яго прэзідэнтам^[3]. Стаў ініцыятарам правядзення першага на тэрыторыі сучаснай Беларусі дабрадзейнай акцыі «Дзень белай кветкі  (руск.)»^[3][5].

Па ініцыятыве С. Урванцова была створана і запрацавала ў Мінску хуткая медыцынская дапамога^[3][6][7].

Ганаровы член Таварыства мінскіх урачоў, ганаровы член Мінскага таварыства аховы народнага здароўя^[1].

Сям’я

Быў жанаты з Надзеяй Мікалаеўнай Урванцовай (? — 8 сакавіка 1929). Мелі дачку.

Навуковая дзейнасць

Больш за 15 навуковых прац^[3] па тэорыі і практыцы развіцця медыка-санітарнай справы ў дарэвалюцыйнай Беларусі, абагульненні вопыта барацьбы з інфекцыйнымі захворваннямі^[1].

Асобныя працы

• Медико-санитарный очерк города Минска. 1910
• История ночных врачебных дежурств в г. Минск//Минские врачебные известия. — 1910. — № 10
• Краткий исторический очерк больницы для хроников. 1925
• История развития врачебного дела в Минской губернии в дореволюционное время. 1928

Зноскі

1. Урванцов, Сергей Николаевич (доктор медицины ; 1863—1937) (руск.)
2. Три века дома Урванцовых (руск.)
3. Марина Баранова. Урванцовы. Отец и сын (руск.)
4. Памятная книжка Минской губернии на 1907 год. С. 53 (руск.)
5. Энтузиасты в белых халатах Архівавана 21 лютага 2019. (руск.)
6. Каплиев А. А. Медицинская периодическая печать Беларуси первой трети XX столетия как источник по истории развития здравоохранения(недаступная спасылка) (руск.)
7. Капліеў А. А.Карэты ратавання. Вытокі службы хуткай медыцынскай дапамогі ў Мінску (канец xix — пачатак хх стагоддзя)