Сярэднеіранскія горы

Сярэднеіра́нскія го́ры^[1] — горная сістэма ў Азіі, у Іране, ва ўнутранай частцы Іранскага нагор’я.

Сярэднеіранскія горы
Краіна	Іран
Даўжыня	каля 1 000 км
Шырыня	да 300 км
Найвышэйшая вяршыня	Хезар
Найвышэйшы пункт	4420 м

Даўжыня Сярэднеіранскіх гор у напрамку з паўночнага захаду на паўднёвы ўсход каля 1000 км. Шырыня да 300 км. Пераважаюць вышыні 2000—2500 м. Найвышэйшая вяршыня — гара (патухлы вулкан^[2]) Хезар (4420 м). Галоўныя хрыбты — Кухруд^[1][2] і Кухбенан^[2]. Складзены асадкавымі і вулканічнымі горнымі пародамі. Маюцца шматлікія восыпы. Ападкаў выпадае 100—300 мм за год. На схілах гор — горныя пустыні і паўпустыні, у грабянёў — горныя стэпы. Па далінах рэк — тугайныя зараснікі (таполя, лох, вярба, грэцкі арэх^[2]).