Сіваграк

Сіваграк, таксама Сіваваронка^[1] (Coracias) — род птушак сямейства Сівагракавыя (Coraciidae), атрад Ракшападобныя (Coraciiformes).

Сіваграк
Сіваграк звычайны
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Ракшападобныя Сямейства:  Сівагракавыя Род:  Сіваграк
Міжнародная навуковая назва
Coracias
Сістэматыка на Віківідах Выявы на Вікісховішчы ITIS   553592 NCBI   1 EOL   1 FW   124211

Даўжыня цела сіваграка звычайнага да 35 см, маса да 190 г. Апярэнне зеленавата-блакітнае з яркім адлівам. На крылах і хвасце ёсць цёмна-сінія ўчасткі. Спіна рыжавата-карычневая. Сярэдняя пара пёраў хваста цёмна-бурая з ліловым напылам. Дзюба моцная, крыху кручкаватая. Корміцца буйнымі жукамі, прамакрылымі, радзей дробнымі пазваночнымі. Нясе 4—6 яец.

Распаўсюджанне

Існуе 8 відаў. Пашыраны ў Еўразіі і Афрыцы. Жывуць у лесастэпах, лясах, на ўзлесках, каля высечак, у парках і гаях, саваннах, на акультураных землях. На тэрыторыі Беларусі жыве 1 від: сіваграк звычайны (Coracias garrulus) (народныя назвы: краска, сінюга) — пералётная птушка. Зімуе ў Афрыцы.

Зноскі

1. Напісанне Сіваграк, Сіваваронка, а таксама напісанне на латыні ў адпаведнасці з Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14). — С. 363.