Сівінскі сельсавет

Сі́вінскі сельсавет — былая адміністрацыйна-тэрытарыяльная адзінка ў складзе Веткаўскага раёна Гомельскай вобласці Беларусі. Адміністрацыйны цэнтр — вёска Сівінка.

Сівінскі сельсавет
Краіна	Беларуская ССР
Уваходзіў у	Веткаўскі раён
Адміністрацыйны цэнтр	Сівінка
Дата ўтварэння	8 снежня 1926
Дата скасавання	27 жніўня 1991

Пасля другога ўзбуйнення БССР з 8 снежня 1926 года сельсавет у складзе Веткаўскага раёна Гомельскай акругі БССР. 30 снежня 1927 года сельсавет узбуйнены, у яго склад увайшла тэрыторыя скасаваных Барбянскага, Косіцкага і Папсуеўскага сельсаветаў. Пасля скасавання акруговай сістэмы 26 ліпеня 1930 года ў Веткаўскім раёне БССР, з 20 лютага 1938 года — Гомельскай вобласці. З 17 снежня 1956 года сельсавет у складзе Добрушскага раёна. 8 красавіка 1957 года ў склад сельсавета з Калінінскага сельсавета Веткаўскага раёна пералічаны 3 населеныя пункты (Дубовы Лог, Лявонцьева і Млынок)^[1]. З 6 студзеня 1965 года сельсавет, за выключэннем вёсак Дубовы Лог, Лявонцьева і Млынок, у складзе адноўленага Веткаўскага раёна^[2]. На 1 студзеня 1974 года ў складзе Сівінскага сельсавета 7 населеных пунктаў^[3]. 29 жніўня 1974 года скасаваны пасёлак Арэхаўка^[4]. 27 жніўня 1991 года Сівінскі сельсавет скасаваны, яго тэрыторыя далучана да Калінінскага сельсавета.

Зноскі

1. Рашэнне выканкома Гомельскага абласнога Савета дэпутатаў працоўных ад 8 красавіка 1957 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1957, № 5.
2. Указ Прэзідыума Вярхоўнага Савета Беларускай ССР Аб утварэнні новых раёнаў Беларускай ССР ад 6 студзеня 1965 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1965, № 2 (1082).
3. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 78. — 248 с. — 10 000 экз.
4. Рашэнне выканаўчага камітэта Гомельскага абласнога Савета дэпутатаў працоўных ад 29 жніўня 1974 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1974, № 34 (1444).