Сігізмунд Францавіч Наўроцкі

У Вікіпедыі ёсць артыкулы пра іншых людзей з прозвішчам Наўроцкі.

Сігізмунд Францавіч Наўроцкі (4 красавіка 1903, Варшава — 15 верасня 1976, Кіеў) — беларускі і ўкраінскі рэжысëр, сцэнарыст. Член Саюза кінематаграфістаў Украінскай ССР.

Сігізмунд Францавіч Наўроцкі
Дата нараджэння	4 красавіка 1903(1903-04-04)
Месца нараджэння	Варшава, Царства Польскае, Расійская імперыя
Дата смерці	15 верасня 1976(1976-09-15) (73 гады)
Месца смерці	Кіеў, УССР, СССР
Грамадзянства	Расійская імперыя  СССР
Адукацыя	юрыдычны факультэт БДУ Усерасійскі дзяржаўны ўніверсітэт кінематаграфіі імя С. А. Герасімава
Месца працы	Ленфільм Беларусьфільм Кінастудыя імя А. Даўжэнкі
Прафесія	кінарэжысёр, сцэнарыст
Кірунак	сацыялістычны рэалізм і навукова-папулярны фільм[d]
Член у	Нацыянальны саюз кінематаграфістаў Украіны[d]
Узнагароды
IMDb	ID 0623152

Біяграфія

У 1925 годзе скончыў магілёўскія курсы кіраўнікоў самадзейнасці, у 1932 годзе — юрыдычны факультэт Беларускага дзяржаўнага ўніверсітэта, у 1934 годзе — рэжысёрскі факультэт Усесаюзнага дзяржаўнага інстытута кінематаграфіі.

Пэўны час працаваў пракурорам у Мінску. У 1934—1941гадах працаваў асістэнтам рэжысëра, рэжысëрам ігравога і навукова-папулярнага кіно на кінастудыі «Ленфільм», «Белдзяржкіно», затым у 1941—1943 гадах — на Цэнтральнай Аб’яднанай кінастудыі мастацкіх фільмаў — ЦАКС у Алма-Аце. З 1944 года — рэжысëр Кіеўскай кінастудыі.

Фільмаграфія

• 1937 — Дняпро ў агні (сурэжысёр)
• 1939 — «Вогненныя гады» (другі рэжысёр)
• 1941 — Сям’я Януш («Жніво»)
• 1945 — Зыгмунд Каласоўскі (сумесна з Б. М. Дмахоўскім)
• 1954 — «Асілак» ідзе ў Марто (сумесна з А. В. Брунчугіным),
• 1957 — Крутыя прыступкі

Зноскі