Сілвінью

Сі́лвіу Ме́ндыс Ка́мпус Жу́ніяр^[3] (парт.: Sylvio Mendes Campos Júnior; нар. 12 красавіка 1974, Сан-Паўлу), больш вядомы як Сілві́нью^[4] (Sylvinho) — бразільскі прафесійны футбаліст (левы абаронца) і трэнер. У цяперашні час працуе галоўным трэнерам нацыянальнай зборнай Албаніі.

Сілвінью
Агульная інфармацыя
Поўнае імя	Сілвіу Мендыс Кампус Жуніяр
Нарадзіўся	12 красавіка 1974(1974-04-12)[1][2] (51 год) Сан-Паўлу, штат Сан-Паўлу, Бразілія
Грамадзянства	Бразілія  Іспанія
Рост	173 см
Вага	66 кг
Пазіцыя	абаронца
Інфармацыя пра каманду
Каманда	Албанія
Пасада	галоўны трэнер
Маладзёжныя клубы
1990—1994 Карынтыянс
Клубная кар’ера[* 1]
1994—1999 Карынтыянс 136 (15) 1999—2001 Арсенал 55 (3) 2001—2004 Сельта 84 (2) 2004—2009 Барселона 89 (2) 2009—2010 Манчэстэр Сіці 10 (0)
Нацыянальная зборная[* 2]
2000—2001 Бразілія 6 (0)
Трэнерская кар’ера
2011—2012 Крузейру трэнер 2012 Спорт (Рэсіфі) трэнер 2013 Наўтыку (Рэсіфі) трэнер 2013—2014 Карынтыянс трэнер 2014—2016 Інтэрнацыянале трэнер 2016—2019 Бразілія трэнер 2019 Ліён 2021—2022 Карынтыянс 2023— Албанія
Узнагароды і медалі
Залатыя кубкі КАНКАКАФ Бронза ЗША 1998
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. Колькасць гульняў і галоў за нацыянальную зборную ў афіцыйных матчах
Медыяфайлы на Вікісховішчы

Гульнявая кар’ера

Пачаў сваю прафесійную кар’еру ў 1994 годзе ў бразільскім клубе «Карынтыянс», у складзе якога стаў двойчы чэмпіёнам краіны. У 1999 годзе ён перайшоў у англійскі «Арсенал», за які выступаў 2 гады; першы сезон адыграў у асноўным складзе, у другім жа саступіў месца ў асноўным складзе Эшлі Коўлу, пасля чаго ў 2001 годзе перайшоў у «Сельту» з Віга. Адыграўшы ў «Сельце» 3 гады, у 2004 годзе ён перайшоў у «Барселону». Выступаючы за «Барсу», ён выйграў два чэмпіянаты Іспаніі, Суперкубак Іспаніі і дзве Лігі чэмпіёнаў. 24 жніўня 2009 года на правах свабоднага агента перайшоў у «Манчэстэр Сіці», падпісаўшы з «гараджанамі» аднагадовы кантракт^[5].

У зборнай Бразіліі Сілвінью дэбютаваў у 1997 годзе ў гульні з расійскай зборнай. За нацыянальную каманду Сілвінью правёў 6 матчаў.

Сілвінью мае іспанскі пашпарт, атрыманы ў 2004 годзе пасля трох гадоў пражывання ў гэтай краіне.

9 ліпеня 2011 года Сілвінью завяршыў футбольную кар’еру^[6]. За ўсю кар’еру правёў 380 матчаў, забіў 25 мячоў.

Трэнерская кар’ера

З 2011 года працаваў асістэнтам галоўнага трэнера ў бразільскіх клубах, італьянскім «Інтэрнацыянале», нацыянальнай зборнай Бразіліі. У маі 2019 года быў прызначаны галоўным трэнерам французскага «Ліёна»^[7], быў звольнены з каманды ў кастрычніку таго ж года з-за незадавальняючых вынікаў.

У маі 2021 года ўзначаліў «Карынтыянс», быў звольнены ў лютым 2022 года. У студзені 2023 года стаў галоўным трэнерам нацыянальнай зборнай Албаніі.

Дасягненні

«Карынтыянс»

• Чэмпіён Бразіліі: 1998, 1999
• 2-е месца ў чэмпіянаце Бразіліі: 1994
• Чэмпіён штата Сан-Паўлу: 1995, 1997, 1999
• Уладальнік Кубка Бразіліі: 1995

«Арсенал»

• 2-е месца ў чэмпіянаце Англіі: 1999/2000, 2000/01

«Барселона»

• Чэмпіён Іспаніі: 2004/05, 2005/06, 2008/09
• 2-е месца ў чэмпіянаце Іспаніі: 2003/04, 2006/07
• 3-е месца ў чэмпіянаце Іспаніі: 2007/08
• Уладальнік Кубка Іспаніі: 2008/09
• Уладальнік Суперкубка Іспаніі: 2005, 2006
• Пераможца Лігі чэмпіёнаў: 2005/06, 2008/09