Сафі Марсо

У Вікіпедыі ёсць артыкулы пра іншых людзей з прозвішчам Марсо.

Сафi Марсо́ (фр.: Sophie Marceau [sɔfi maʁso]; пры нараджэнні Сафi Мапю фр.: Sophie Maupu; нар. 17 лістапада 1966, Парыж, Францыя) — французская актрыса , кінарэжысёр, сцэнарыст, празаік і спявачка .

Сафі Марсо
Sophie Marceau
Імя пры нараджэнні	Сафі Даніэль Сільвія Мапю
Дата нараджэння	17 лістапада 1966(1966-11-17)[1][2][…] (58 гадоў)
Месца нараджэння	XV акруга Парыжа, Парыж, рэгіён Іль-дэ-Франс, Метраполія Францыі, Францыя[3]
Грамадзянства	Францыя
Дзеці	Vincent Zulawski[d]
Адукацыя	Курсы Фларан[d][4]
Прафесія	актрыса, спявачка, сцэнарыст, пісьменніца, тэатральная актрыса, кінаактрыса, кінарэжысёр
Кар’ера	1980 — цяпер. час
Узнагароды	«Сезар» (1982)
IMDb	ID 0000521
Медыяфайлы на Вікісховішчы

Біяграфічныя звесткі, кінакар’ера

14-гадовая Сафі Марсо знялася ўпершыню ў рамантычнай камедыю! «Бум» (1980), якая стала лідарам кінапракату, абышоўшы нават другую частку кінатрылогіі «Зорныя войны», а загалоўны саўндтрэк фільма стаў хітом у Еўропе. За ролю ў наступнай кінастужцы «Бум-2» дзяўчына атрымала прэстыжную прэмію «Сезар» як самая перспектыўная актрыса.

У паспяховай меладраме «Водар кахання Фанфан» (1993) актрыса сыграла ролю адчайнай дзяўчыны, якая загразла ў любоўным трохкутніку.

Рэжысёр Мел Гібсан спецыяльна запрасіў Сафі Марсо на ролю прынцэсы Ізабелы, жонкі англійскага караля Эдуарда ў фільме «|Храбрае сэрца» (1995). Для яе здымкі сталі першым вопытам работы ў Галівудзе і прынеслі плён у выглядзе мноства прапаноў ад рэжысёраў і рэдактараў глянцавых часопісаў. Ну, а карціна атрымала пяць прэмій «Оскар».

Фільм «Ганна Карэніна» (1997) лічыцца адной з лепшых экранізацый рамана ў свеце, а ролю Сафі Марсо крытыкі назвалі вельмі ўдалым увасабленнем складанага вобразу рускай жанчыны.

Лёгкая камедыя пра сямейнае жыццё «Па той бок ложка» (2008) расказвае пра эксперымент сямейнай пары, у якой кожны лічыў, што ягоная ноша цяжэйшая. На год муж — працаголік, уладальнік буйной кампаніі, і жонка — хатняя гаспадыня, якая займаецца домам, дзецьмі і продажам біжутэрыі — мяняюцца месцамі, каб праверыць, па чый бок ложка жывецца лепш. Дзеянне фільма «Жанчыны-агенты» (2008) адбываецца падчас Другой сусветнай вайны, напярэдадні высадкі саюзнікаў у Нармандыі, і апавядае пра спецыяльны атрад.

Зноскі

1. Sophie Marceau // filmportal.de — 2005. Праверана 9 кастрычніка 2017.

   <a href='https://wikidata.org/wiki/Track:Q15706812'></a>
2. Sophie Marceau // Brockhaus Enzyklopädie Праверана 9 кастрычніка 2017.

   <a href='https://wikidata.org/wiki/Track:Q237227'></a>
3. Les gens du cinéma Праверана 27 лютага 2022.

   <a href='https://wikidata.org/wiki/Track:Q99821472'></a>
4. Les anciens du Cours Florent — Курсы Фларан.

   <a href='https://wikidata.org/wiki/Track:Q99617510'></a><a href='https://wikidata.org/wiki/Track:Q916444'></a>