Таганрогскі паштамт

Таганрогскі паштамт, таксама банкірскі дом Давыдовічаў — аб’ект культурнай спадчыны, пабудаваны ў пачатку XX стагоддзя ў горадзе Таганрогу Растоўскай вобласці. Будынак створаны ў стылі мадэрн^[1]. Адрас будынка: вуліца Фрунзэ, 38.

Славутасць
Таганрогскі паштамт
руск.: Таганрогский почтамт
Аб'ект культурнай спадчыны, пабудаваны ў пачатку XX стагоддзя
47°12′51″ пн. ш. 38°55′41″ у. д.HGЯO
Краіна	Расія
Горад	Таганрог
Архітэктурны стыль	мадэрн
Будаўнік	банкір А. А. Давыдовіч
Дата заснавання	1911 год
Статус	Аб’ект культурнай спадчыны РФ № 6135313000№ 6135313000
Стан	здавальняючы
Медыяфайлы на Вікісховішчы

Гісторыя

Пабудаваны ў 1911 годзе па дырэктыве банкіра А. А. Давыдовіча, асноўны будаўнічы матэрыял — цэгла. Першы паверх будынка быў адведзены пад кантору банка «Э. Фачыні і К»^[1], адкрыццё якой адбылося 20 студзеня 1912 года. Заснавальнікам гэтай канторы стаў Эмануіл Карлавіч Фачыні. На будынку была размешчаная шыльда «Банкірскі дом Э. Фачыні і К»^[2]. У гэтым жа 1912 годзе на другім паверсе банкірскага дома Давыдовічаў размясцілася паштова-тэлеграфная кантора, раней яна знаходзілася ў доме таганрогскага мешчаніна Скурыча на Грэчаскай вуліцы. Гэты будынак не захаваўся да нашых часоў. Калі адбылася нацыяналізацыя будынка, на абодвух паверхах стаў мясціцца таганрогскі вузел сувязі. У 1981 годзе былі згублены гаўбцы будынка таганрогскага паштамта. За больш чым стагадовую гісторыю дома капітальныя рамонты не праводзіліся, і, тым не менш, будынак застаецца ў добрым стане^[1].

Апісанне

Будынак неатынкаваны. Фасад створаны з выкарыстаннем цэглы жоўтага і шэрага колеру. Галоўны ўваход упрыгожвае карніз дугаватай формы. Характэрнымі элементамі, якія дазвалялі аднесці дом да архітэктурнага стылю мадэрн, былі гаўбечныя рашоткі, цяпер гэта рашоткі парапета плоскай формы^[1].

Зноскі

1. Архитектура стиля «модерн»
2. Гуляет старый Таганрог, часть 2 (нявызн.)(недаступная спасылка). Архівавана з першакрыніцы 4 сакавіка 2017. Праверана 5 красавіка 2017.