Тамара Мікалаеўна Сыраед

Тамара Мікалаеўна Сыраед (13 верасня 1940, станіца Паўлаўская, Краснадарскі край, РСФСР) — вучоны-эканаміст, педагог. Кандыдат эканамічных навук (1972), прафесар (1993), рэктар Беларускага гандлёва-эканамічнага ўніверсітэта спажывецкай кааперацыі (1996—2002).

Тамара Мікалаеўна Сыраед
Дата нараджэння	13 верасня 1940(1940-09-13) (85 гадоў)
Месца нараджэння	Паўлаўская, Паўлаўскі раён[d], Краснадарскі край, РСФСР, СССР
Грамадзянства	СССР  Беларусь
Род дзейнасці	вучоная
Навуковая сфера	эканоміка[d]
Месца працы	завочны факультэт Маскоўскага кааператыўнага інстытута
Навуковая ступень	кандыдат эканамічных навук (1972)
Навуковае званне	прафесар (1993)
Альма-матар	Расійскі ўніверсітэт кааперацыі[d] (1968)

Біяграфія

У 1964 годзе паступіла ў Маскоўскі кааператыўны інстытут. Скончыла інстытут у 1968 годзе па спецыяльнасці «Эканоміка і арганізацыя гандлю і грамадскага харчавання».

У 1968 годзе паступіла ў аспірантуру Маскоўскага кааператыўнага інстытута на кафедры «Фінансы і крэдыт». Абараніла дысертацыю з прысваеннем навуковай ступені кандыдата эканамічных навук у 1972 годзе.

З 1972 года працуе ў Беларускім гандлёва-эканамічным універсітэце спажывецкай кааперацыі. Займала пасады: старшы выкладчык кафедры «Фінансы і крэдыт» (1972—1976), дацэнт кафедры «Эканоміка гандлю» (1976—1977), загадчыка кафедры «Эканомікі гандлю» (1977—1994), першы прарэктар Гомельскага кааператыўнага інстытута (1994—1996), рэктар Гомельскага кааператыўнага інстытута (Беларускі гандлёва-эканамічны ўніверсітэт) (1996—2002), саветнік рэктара (2002—2003), з 2003 года прафесар кафедры «Эканоміка гандлю».

Навуковая дзейнасць

Навуковыя працы па эканоміцы гандлю, праблемах цэнаўтварэння і стымулявання працы.

Узнагароды

• Выдатнік савецкай спажывецкай кааперацыі.

Літаратура

• Міснікова Л. В. Сыраед Тамара Мікалаеўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 321. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• Сыроед Тамара Николаевна Архівавана 14 жніўня 2020.