Таццяна Генадзеўна Голубева

Таццяна Генадзеўна Голубева (нар. 27 чэрвеня 1947, Крычаў Магілёўскай вобласці) — беларускі палітык. Заслужаны будаўнік Рэспублікі Беларусь (2003). Першы сакратар ЦК Кампартыі Беларусі.

Таццяна Генадзеўна Голубева
Нараджэнне	27 чэрвеня 1947(1947-06-27) (78 гадоў) Крычаў, Крычаўскі раён, Магілёўская вобласць, Беларуская ССР, СССР
Партыя	КПСС Камуністычная партыя Беларусі
Адукацыя	Белгародскі дзяржаўны тэхналагічны ўніверсітэт імя У. Р. Шухава[d] Расійская акадэмія народнай гаспадаркі і дзяржаўнай службы пры Прэзідэнце Расійскай Федэрацыі[d]
Узнагароды	ганаровая грамата Нацыянальнага сходу Рэспублікі Беларусь Ганаровы грамадзянін Смаргонскага раёна[d]

У Вікіпедыі ёсць артыкулы пра іншых людзей з прозвішчам Голубева.

Біяграфія

Скончыла Белгародскі тэхналагічны інстытут будаўнічых матэрыялаў імя Я. А. Грышманава (інжынер-хімік-тэхнолаг), Акадэмію народнай гаспадаркі пры Савеце Міністраў СССР (вядучы спецыяліст па кіраванню).

Працоўную дзейнасць пачала лабарантам на Крычаўскім цэментна-шыферным камбінаце. Працавала электразваршчыцай на Гродзенскім камбінаце будматэрыялаў, інжынерам-тэхнолагам, намеснікам начальніка цэха Смаргонскага камбіната сілікатабетонных вырабаў, сакратаром партыйнай арганізацыі, генеральным дырэктарам вытворчага аб’яднання «Смаргоньсілікатабетон», намеснікам Міністра прамысловасці будаўнічых матэрыялаў БССР, намеснікам Міністра архітэктуры і будаўніцтва Рэспублікі Беларусь.

Выбіралася дэпутатам Палаты прадстаўнікоў Нацыянальнага сходу Рэспублікі Беларусь другога, трэцяга і чацвёртага склікання.

Узнагароды

Узнагароджана Ганаровай граматай Нацыянальнага сходу Рэспублікі Беларусь^[1][2].

Зноскі

1. Голубева Таццяна Генадзеўна(недаступная спасылка)
2. ПАРЛАМЕНТ- Нацыянальны сход Рэспублікі Беларусь трэцяга склікання Архівавана 16 верасня 2020.