Таўсталобік стракаты

Таўсталобік стракаты^[1][2], таўсталобік паўднёвы^[1], вялікагалоў^[1] (Hypophthalmichthys nobilis) — буйная хуткарослая рыба роду Таўсталобікі (Hypophthalmichthys) сямейства Карпавыя (Cyprinidae).

Таўсталобік стракаты
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Ostariophysi Серыя:  Otophysi Атрад:  Карпападобныя Надсямейства:  Карпападобныя Сямейства:  Карпавыя Падсямейства:  Hypophthalmichthyinae Род:  Таўсталобікі Від:  Таўсталобік стракаты
Міжнародная навуковая назва
Hypophthalmichthys nobilis Richardson, 1845
Сінонімы
Aristichthys nobilis Richardson, 1845
Ахоўны статус
Недастаткова даных IUCN Data Deficient : / 166172
Сістэматыка на Віківідах Выявы на Вікісховішчы ITIS   163692 NCBI   7965

Апісанне

Анатамічная будова добра прыстасавана да збірання і засваення як фітапланктону, так і зоапланктону. Падобны да таўсталобіка звычайнага. Адрозніваецца ад яго больш хуткім тэмпам росту (маса да 30—35 кг), адсутнасцю кіля на бруху, большай галавой і даўжэйшымі груднымі плаўнікамі, больш цёмнай афарбоўкай цела і карацейшым кішэчнікам.

Пашырэнне

Пашыраны ў вадаёмах Кітая і басейна Амура. Выкарыстоўваецца для акліматызацыі па-за межамі прыроднага арэала. На тэрыторыю Беларусі упершыню завезены ў 1965 годзе для вырошчвання ў сажалкавых гаспадарках^[2].