Май

Май, тра́вень — пяты месяц грыгарыянскага і юліянскага календароў. Складаецца з 31 дня.

Май у Фінляндыі

Май, ілюстрацыя Аляксандра Тарасевіча з кнігі «Rosarium et Officium B. Mariae Virginis…»

У паняцця ёсць і іншыя значэнні, гл. Май (значэнні).

Назва май ужываецца ў выданнях Ф. Скарыны^[1], у «Храналогіі» А. Рымшы (1581) ужыта як маи^[2]:

М(е)с(е)ца мая, погебреиску ія́ръ, / просто ма́и. /

Но́и а́рху готуетъ божимъ повеле́нїемъ, /
абы въ пото́пъ не зги́нулъ зъ своим поколеньемъ. /

Мая 10 дня. /

Праславянская назва травень выяўлена ў помніках старабеларускага пісьменства, напрыклад у Полацкім Евангеллі (ХІІІ ст.) і Лексіконе (1627) Памвы Бярынды^[3].

Назва, ужываная ў сучаснай беларускай літаратурнай мове, амаль ад пачатку існавала ў форме «май». У газеце «Наша ніва» з 1907 года ўжывалася менавіта яна, за выняткам перыяду 1910—1912 гадоў, калі была практыка ўжывання ў форме травень (май)^[4]. Больш шырокае ўжыванне слова травень займела за часам беларусізацыі (1920—1930-я гг.), пасля чаго прызнана састарэлым. У афіцыйным ужытку аднавілася ў 1990-я гады^[3].

Назва «май» — адзіны лацінізм з 12 назваў месяцаў, якія ўжываюцца ў літаратурнай беларускай мове.

Зноскі

1. Скарына Ф. Творы:…
2. Андрей Рымша. [Хронология]…
3. Уладзімір Куліковіч. Беларускае слоўка. Май і травень (нявызн.)(недаступная спасылка). Минск-Новости (3 мая 2014). Архівавана з першакрыніцы 5 сакавіка 2016. Праверана 9 снежня 2014.
4. Гісторыя беларускай літаратурнай мовы, Т.2.