Тралёўка

Тралёўка^[1] (ад ням.: treilen — цягнуць) — перамяшчэнне ссечаных дрэў з кронамі, хлыстоў (ствалоў дрэў) і сартыментаў ад лесасекі да пагрузачных пунктаў або лесавознай дарогі.

Гусенічны тралёвачны трактар ТТ-4 Алтайскага трактарнага завода

Тралёўка хлыстоў (ствалоў дрэў)

Акварэль працы А. Маўвэ, Дзяржаўны музей (Амстэрдам)

Тралёўка ажыццяўляецца тралёвачнымі трактарамі або валачна-тралёвачнымі машынамі і лябёдкамі. Трактары абсталёўваюцца лябёдкамі, тросамі з крукамі і кольцамі (чокерамі) на канцах, пагрузачнымі шчытамі або гідраўлічнымі маніпулятарамі.

Тралёвачныя трактары выкарыстоўваюцца пераважна на раўніннай мясцовасці і на схілах да 22 градусаў (у зімовы перыяд да 14 градусаў)^[2][3]. Тралёўку з дапамогай лябёдак выкарыстоўваюць пераважна ў горнай і забалочанай мясцовасці^[2][3]. Хлысты тралююць за верхавіны, дрэвы з кронай — за камлі.