Траісты саюз

Траі́сты саю́з^[1] — міждзяржаўны ваенна-палітычны блок Германіі, Аўстра-Венгрыі і Італіі, сфарміраваны ў 1879—1882 гадах з мэтай сумеснага процістаяння ўплыву Францыі і Расіі.

Траісты саюз
Дата падпісання	20 мая 1882
Медыяфайлы на Вікісховішчы

Краіны Траістага саюза напярэдадні Першай сусветнай вайны.

Склаўся на аснове аўстра-венгерскага дагавора 1879 года^[1]. Канчатковае пагадненне паміж трыма краінамі было падпісана 20 мая 1882 года ў Вене тэрмінам на 5 гадоў^[1]. Удзельнікі абавязваліся не прымаць удзел у міждзяржаўных саюзах і пагадненнях, накіраваных супраць аднаго з іх, а таксама аказваць узаемную падтрымку. У 1887 і 1891 гадах дагавор быў прадоўжаны і дапоўнены палажэннямі на карысць Італіі^[1]. Дагавор праіснаваў да 1915 года, пакуль Італія ў ходзе Першай сусветнай вайны не перайшла на бок Антанты^[2].