Трокеніцкі сельсавет

Тро́кеніцкі сельсавет — былая адміністрацыйна-тэрытарыяльная адзінка ў складзе Астравецкага раёна Гродзенскай вобласці Беларусі. Адміністрацыйны цэнтр — аграгарадок (да 2009 г. вёска) Трокенікі 1.

Трокеніцкі сельсавет
Краіна	Беларусь
Статус	сельсавет
Уваходзіць у	Астравецкі раён
Уключае	29 населеных пунктаў (2013)
Адміністрацыйны цэнтр	Трокенікі 1
Дата ўтварэння	12 кастрычніка 1940
Дата скасавання	26 лютага 2013
Насельніцтва (2009)	997
Часавы пояс	UTC+03:00

Гісторыя

Утвораны 12 кастрычніка 1940 года як Быстрыцкі сельсавет у складзе Астравецкага раёна Вілейскай вобласці БССР. Цэнтр — вёска Быстрыца. З 20 верасня 1944 года ў складзе Маладзечанскай вобласці. 16 ліпеня 1954 года да сельсавета далучана тэрыторыя скасаванага Валейкішкаўскага сельсавета^[1]. З 20 студзеня 1960 года ў складзе Гродзенскай вобласці. З 25 снежня 1962 года па 6 студзеня 1965 года ў складзе Ашмянскага раёна. 17 студзеня 1969 года цэнтр сельсавета перанесены ў вёску Трокенікі, сельсавет перайменаваны ў Трокеніцкі^[2][3]. У 2005 годзе скасаваны хутары Алёкса, Крыжоўка, Медзялішкі.

26 лютага 2013 года сельсавет быў ліквідаваны, усе населеныя пункты — вёскі Быстрыца, Вайдацішкі, Жарнэлі, Ігнацова, Катлоўка, Кланішкі, Крыжоўка, Ліпкі, Навасады, Падварышкі, Петраполь, Повакша, Раголішкі, Ракішкі, Рудзішкі, Санаклі, Санова, Слабодка, Трокенікі 1, Трокенікі 2, хутары Асіноўка, Валэйкішкі, Даўнарышкі, Жвірблі, Лінамаргі, Люццянова, Міхайлова, Півені, Сымонішкі — перададзеныя ў склад Варнянскага сельсавета^[4].

Насельніцтва

Насельніцтва сельсавета праводле перапісу 2009 года складала 997 чалавек^[5], з іх 87,7 % — беларусы, 10,8 % — палякі, 0,8 % — рускія, 0,5 % — літоўцы^[6].