Царква Святой Тройцы (Маркаўшчына)

У паняцця ёсць і іншыя значэнні, гл. Царква Святой Тройцы.

Царква Святой Тройцы — колішняя царква ў Віцебску, помнік архітэктуры барока XVII ст.. Знаходзілася на правым беразе Дзвіны, на Маркаўшчыне. У 1920-я гады савецкія ўлады зруйнавалі царкву.

Помнік сакральнай архітэктуры
Царква Святой Тройцы
Траецкая царква
Краіна	Беларусь
Горад	Віцебск
Архітэктурны стыль	барока
Заснавальнік	Самуэль Леў Агінскі
Дата заснавання	XVII ст.

Царква ўваходзіла ў комплекс Маркава манастыра Святой Тройцы.

Гісторыя

У сярэдзіне 1633 годзе князь Леў Самуэль Агінскі заснаваў пры Маркавым манастыры драўляную царкву Святой Тройцы. У 1690 годзе яна згарэла. У тым жа годзе па фундацыі сына Льва Самуэля Шымана Караля збудавалі новую драўляную царкву, асвечаную 31 мая 1691 года. Пра гэта паведамлялі два надпісы над уваходам з двух бакоў, зробленыя лацініцай і кірыліцай: «Дом гэты збудаваны ў гонар святой Тройцы. Года 1690, мая 8»^[1].

У 1839 годзе царкву асвяцілі наноў. У будынку правялі рамонт.

У 1920-я гады савецкія ўлады зруйнавалі помнік архітэктуры.

Архітэктура

Помнік архітэктуры драўлянага барока, у традыцыях Віцебскай школы дойлідства. 4-зрубная царква мела крыжова-цэнтрычную кампазіцыю. Зрубы і сяродкрыжжа завяршаліся высокімі шатрамі з купаламі-банямі. Да царквы далучалася вялікая шматгранная ў плане абходная галерэя.

Усярэдзіне царквы сцены і скляпенні цалкам пакрываў роспіс, зроблены алейнымі фарбамі па палатне, прымацаваным на гладка абчасаныя брусы. Увесь цыкл налічваў 158 кампазіцый на біблейскія, евангельскія і апакрыфічныя сюжэты і 10 выяў святых з бакоў клірасаў. Кожны сюжэт акантоўваўся прамавугольнай маляванай рамай з раслінным арнаментам і меў надпіс на стараславянскай мове.

Галерэя

Гістарычная графіка

• Старая графіка
• 
  Д. Струкаў, 1864
• 
  Д. Струкаў, 1864
• 
  1865
• 
  1890
• 
  1891
• 
  да 1900

Гістарычныя здымкі

• Старыя здымкі
• 
• 
• 
  1909
• 
• 
• 
• 
• 
  1912
• 

Роспісы

• Роспісы
• 
  Ісус Хрыстос, заходні купал
• 
  Цэнтральны купал
• 
  Левы бакавы купал

Зноскі

1. Страчаная спадчына / Т. В. Габрусь, А. М. Кулагін, Ю. У. Чантурыя, М. А. Ткачоў: Уклад. Т. В. Габрусь. — Мн.: Беларусь, 2003. — 351 с. — ISBN 985-01-0415-5.