Трыбуна (вэб-партал)

У паняцця ёсць і іншыя значэнні, гл. Трыбуна (значэнні).

«Трыбуна» (by.tribuna.com, першапачатковая назва goals.by) — найбуйнейшы беларускі спартыўны вэб-партал. Сайт змяшчае спецыялізаваныя раздзелы і сервісы: статыстыку, расклад гульняў, турнірныя табліцы, блогі чытачоў, статусы. Галоўны рэдактар — Алег Гаруновіч.

«Трыбуна»
URL	by.tribuna.com
Тып сайта	cпартыўны сайт
Мова(-ы)	беларуская, руская
Галоўны рэдактар	Алег Гаруновіч
Пачатак працы	чэрвень 2010
Бягучы статус	працуе

Гісторыя

11 чэрвеня 2010 года быў заснаваны Максімам Беразінскім пад назвай Goals.by.

У 2014 годзе ўвайшоў у холдынг Tribuna Digital, які ўключыў у сябе вядучы расійскі спартыўны сайт Sports.ru  (укр.) і Tribuna.com  (укр.). З таго часу партал працуе па адрасе by.tribuna.com.^[1]

У лютым 2020 года беларуская «Трыбуна» вырашыла развівацца аўтаномна, у той час як уладальнікі кампаніі прадалі сайт Sports.ru  (укр.) інвестыцыйнаму фонду Аляксея Нячаева^[2].

Рэпрэсіі (2020—2021)

Са жніўня 2020 года сайт «Трыбуны» заблакаваны ў Беларусі^[3][4].

Журналіст выдання Дзмітрый Руто быў затрыманы 1 чэрвеня 2021 года за бел-чырвона-белы шалік у аўто і асуджаны на 15 сутак адміністратыўнага арышту^[5].

Журналіст Аляксандр Івулін быў арыштаваны 15 лістапада 2020 года ў Мінску, калі праходзіў марш памяці Рамана Бандарэнкі^[6]. 30 снежня суд Маскоўскага раёна Мінска прысудзіў Івуліну штраф у памеры 30 базавых велічынь паводле арт. 23.34 КаАП^[7]. 3 чэрвеня 2021 года быў затрыманы зноў^[8]. 4 чэрвеня быў асуджаны да 30 сутак арышту нібыта за бела-чырвона-белы сцяг на акне кватэры паводле ч. 3 арт. 24.23 КаАП судом Фрунзенскага раёна Мінска (суддзя — Юлія Блізнюк)^[9][10]. Пасля 30 сутак арышту ён на волю не выйшаў, і стала вядома, што журналіст абвінавачваецца ў здзяйсненні крымінальнага злачынства паводле арт. 342 КК (Групавыя дзеянні, якія груба парушаюць грамадскі парадак)^[11]. 5 ліпеня 2021 года сумеснай заявай васьмі арганізацый, сярод якіх Праваабарончы цэнтр «Вясна», Беларуская асацыяцыя журналістаў, Івулін быў прызнаны палітычным зняволеным^[12].

6 жніўня 2021 года суд Чыгуначнага раёна Віцебска  (бел. (тар.)) прызнаў матэрыялы «Трыбуны» экстрэмісцкімі. Рашэнне было прынята па хадайніцтве ГУБАЗіК, якое ўгледзіла ў іх «матэрыялы, якія заклікаюць да экстрэмісцкай дзейнасці»^[13].

У снежні 2023 года Міністэрства ўнутраных спраў Рэспублікі Беларусь абвясціла «Трыбуну» экстрэмісцкім фарміраваннем^[14].

Вядомыя аўтары

• Аляксандр Івулін
• Андрэй Маслоўскі (2010—2021)^[15]

Зноскі

1. Архіўная копія (нявызн.)(недаступная спасылка). Архівавана з першакрыніцы 5 кастрычніка 2021. Праверана 5 кастрычніка 2021.
2. https://by.tribuna.com/others/1094325010-tribunacom-v-belarusi-prodolzhit-razvivatsya-bez-uchastiya-sportsru.html
3. У Беларусі заблакавалі Sports.ru (нявызн.). Белсат (22 мая 2021). Архівавана з першакрыніцы 22 мая 2021. Праверана 22 мая 2021.
4. Сярод заблакаваных — мегапапулярны спартовы сайт By.tribuna.com (нявызн.). Наша Ніва (22 жніўня 2020). Праверана 2 красавіка 2024.
5. “Гісторыю на Акрэсціна не пасадзіш”. Беларуская культура падчас грамадска-палітычнага крызісу: выпуск 35 (нявызн.). Беларускі ПЭН-цэнтр (8 чэрвеня 2021). Праверана 5 кастрычніка 2021.
6. Журналиста «Трибуны» Александра Ивулина оштрафовали за участие в акции (руск.). Медиазона (30 снежня 2020). Архівавана з першакрыніцы 7 жніўня 2021. Праверана 7 жніўня 2021.
7. Журналіста Аляксандра Івуліна аштрафавалі за ўдзел у несанкцыянаванай акцыі (нявызн.). Еўрапейскае радыё для Беларусі (30 снежня 2021). Архівавана з першакрыніцы 7 жніўня 2021. Праверана 7 жніўня 2021.
8. Затрыманыя журналісты Аляксандр Івулін і Яраслаў Пісарэнка — на Акрэсціна (нявызн.). Беларуская асацыяцыя журналістаў (3 чэрвеня 2021). Праверана 2 красавіка 2024.
9. ЗП. «У гэтым увесь Іва». Сябры — пра самага вядомага спартовага журналіста Беларусі Івуліна, якому далі 30 сутак (нявызн.). Наша Ніва (5 чэрвеня 2021). Праверана 2 красавіка 2024.
10. Арышты і ператрусы 4 чэрвеня: 30 сутак журналісту і футбалісту «Крумкачоў» Івуліну, 8 — Барысу Хамайду (нявызн.). Беларуская служба Радыё «Свабода» (4 чэрвеня 2021). Праверана 2 красавіка 2024.
11. Спортивный журналист Александр Ивулин стал подозреваемым по уголовному делу (руск.). Могилев.Онлайн (3 ліпеня 2021). Архівавана з першакрыніцы 7 жніўня 2021. Праверана 7 жніўня 2021.
12. Заява праваабарончых арганізацый Беларусі аб прызнанні пяці новых палітвязняў (нявызн.). Праваабарончы цэнтр «Вясна» (5 ліпеня 2021). Архівавана з першакрыніцы 7 жніўня 2021. Праверана 7 жніўня 2021.
13. В Беларуси признали экстремистским спортивный сайт Tribuna.com (нявызн.). Радыё Свабодная Еўропа/Радыё Свабода (6 жніўня 2021). Праверана 2 красавіка 2024.
14. Спартыўны праект «Трыбуна» прызнаны «экстрэмісцкім фарміраваннем». І не толькі ён (нявызн.). Наша Ніва (5 снежня 2023).
15. Экс-журналіст спартовага сайту Tribuna Андрэй Маслоўскі выйшаў на волю (нявызн.). Радыё Свабода (21 верасня 2021). Праверана 5 кастрычніка 2021.