Трыхаманада вагінальная

Трыхаманада вагінальная^[1] (Trichomonas vaginalis) — аднаклетачны мікраарганізм роду трыхаманады (Trichomonas). Мае ў даўжыню 13-18 мкм (да 30-40 мкм). Дзякуючы рухам жгуцікаў і хвалепадобнай (ундуліруючай) мембраны трыхаманады могуць актыўна перамяшчацца, утвараць псеўдаподыі і пранікаць у міжклеткавыя прасторы.

Трыхаманада вагінальная
Trichomonas vaginalis пад мікраскопам
Навуковая класіфікацыя
прамежныя рангі Дамен:  Эўкарыёты Без рангу:  Пратысты Царства:  Прасцейшыя Надтып:  Excavata Тып:  Metamonada Клас:  Parabasalia Атрад:  Трыхаманадыды Сямейства:  Trichomonadidae Род:  Трыхаманады Від:  Трыхаманада вагінальная
Міжнародная навуковая назва
Trichomonas vaginalis Donné, 1836
Сістэматыка на Віківідах Выявы на Вікісховішчы NCBI   5722 EOL   52788448

Урагенітальныя трыхаманады жывуць толькі ў мочапалавых органах. У іншых органах (кішачніку, страўніку і інш.) і па-за чалавечага арганізма яны хутка гінуць, бо не ўтвараюць ахоўных прыстасаванняў і малаўстойлівыя да неспрыяльных фактараў знешняга асяроддзя. Асабліва пагібельна дзейнічаюць на іх высушванне, награванне звыш 45 °C, прамыя сонечныя прамяні, змены асматычнага ціску, хутка высыхаюць на паветры. Таму выявіць урагенітальныя трыхаманады ў знешнім асяроддзі не ўдаецца.

Трыхаманада жыве на слізістых абалонках (у гэтых выпадках яна не называецца «урагенітальнай»). Прысутнасць трыхамонады ў арганізме чалавека з'яўляецца гістарычным фактам «сімбіёзу» мікраарганізмаў з вышэйшымі формамі жыцця.

Выклікае трыхаманоз. Заражэнне адбываецца пераважна полавым шляхам.

Зноскі

1. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз. С. 110.