Тулій

Ту́лій^[1] (лац.: Thulium) Tm — хімічны элемент, лантаноід. Назва ад грэч. «Туле» — так антычныя географы называлі крайнія паўночныя краіны.

69 Эрбій ← Тулій → Ітэрбій Перыядычная сістэма элементаў 69Tm
Вонкавы від простага рэчыва
Уласцівасці атама
Імя, сімвал, нумар	Тулій / Thulium (Tm), 69
Атамная маса (малярная маса)	168,9342 а. а. м. (г/моль)
Тэрмадынамічныя ўласцівасці простага рэчыва
Шчыльнасць (пры з. у.)	9,318 г/см³
Тэмпература плаўлення	1818 К (1544,85 °С)

Атамны нумар 69; атамная маса 168,9342. Серабрыста-белы метал. Шчыльнасць 9318 кг/м³. Тэмпература плаўлення 1544,85 °C. Узаемадзейнічае з мінеральнымі кіслотамі. З вадародам, азотам, галагенамі і халькагенамі ўзаемадзейнічае пры награванні^[1]. Характэрная ступень акіслення ў злучэннях +3^[1].

Выкарыстанне

Штучны^[1] ізатоп ¹⁷⁰Tm (перыяд паўраспаду 128,6 сутак^[1])— крыніца мяккага рэнтгенаўскага выпраменьвання^[2] і выкарыстоўваецца ў медыцынскай радыедыягностыцы і ў тэхніцы ў дэфектаскопах для прасвечвання тонкіх (да 5 мм^{[крыніца?]}) слаёў металу. Таксама выкарыстоўваецца для паглынання газаў у электравакуумных прыборах^[2].