Турэмная брама
From Wikipedia, the free encyclopedia
Remove ads
Турэмная брама, або Гевангенпорт (нідэрл.: Gevangenpoort) — брама ў цэнтры Гаагі, размешчаная побач з комплексам Біненхоф па адрасе Бётэнхоф, 33 (нідэрл.: Buitenhof 33). Гэта адзіныя захаваныя ў Гаазе сярэдневяковая брама.
Remove ads
Гісторыя
У канцы XIII стагоддзя драўляная брама ўяўляла сабой галоўны ўваход на тэрыторыю замка графаў Галандыі. У 1370 годзе ўзведзена мураваная брама. У перыяд з 1420 па 1828 год тут знаходзілася турма. Пры імператары Карле V да брамы было прыбудавана вялікае памяшканне з камерамі, дзе падазраваныя ў здзяйсненні злачынстваў чакалі суду. Часам гэта магло доўжыцца шматлікія месяцы, на працягу якіх людзі знаходзіліся ў халодных цёмных памяшканнях, хоць да XVII стагоддзя ўласна знаходжанне ў турме не лічылася пакараннем. Ззаду турмы знаходзілася лобнае месца.
У 1828 годзе будынак пазбавіўся турэмнай функцыі, і планаваўся яго знос, каб вызваліць месца для пашырэння каралеўскіх стайняў. Аднак рэалізацыя плана была адкладзена да 1830 года, таму што будынак выкарыстоўваўся вайсковымі арганізацыямі. Так працягвалася да 1852 года, калі зноў з'явілася прапанова знесці старую турму, аднак гэтым разам ад знішчэння выратаваў указ караля Вілема III. У 1875—1883 гадах па ініцыятыве адваката і палітыка Віктара дэ Стэйрса брама была адрэстаўравана, а яе дзверы адкрыліся для публікі.
Remove ads
Музей
Дзякуючы дэ Стэйрсу была закладзена аснова калекцыі музея, якая знаёміць наведвальнікаў з сярэдневяковымі прыладамі катаванняў і пакаранняў. Тут можна ўбачыць дыбы, ціскі, кайданы. Наведванне не рэкамендуецца дзецям да 8 гадоў.
Спасылкі
На Вікісховішчы ёсць медыяфайлы па тэме Турэмная брама- gevangenpoort.nl — афіцыйны сайт Гевангенпорта
- Гевангенпорт (Gevangenpoort)
Wikiwand - on
Seamless Wikipedia browsing. On steroids.
Remove ads