Тэафіл Ленартовіч

Тэафіл Ленартовіч (Teofil Lenartowicz; 27 лютага 1822, Варшава — 3 лютага 1893) — польскі паэт, скульптар.

Тэафіл Ленартовіч
Род дзейнасці	паэт, перакладчык, пісьменнік, скульптар
Дата нараджэння	27 лютага 1822(1822-02-27)[1][2]
Месца нараджэння	Варшава, Царства Польскае, Расійская імперыя[3]
Дата смерці	3 лютага 1893(1893-02-03)[1][2] (70 гадоў)
Месца смерці	Фларэнцыя, Каралеўства Італія[3]
Месца пахавання	Крыпта заслужаных на Скалцы
Грамадзянства	Расійская імперыя Польшча[3]
Жонка	Zofia Szymanowska-Lenartowicz[d]
Альма-матар	Балонскі ўніверсітэт
Член у	Познаньскае таварыства сяброў навук[d]
Аўтограф
Медыяфайлы на Вікісховішчы

Біяграфічныя звесткі

Друкаваўся з 1840-х гадоў. 3 1851 года ў эміграцыі. У 1879—1883 гадах выкладаў славянскія літаратуры ў Балонскім універсітэце. Быў удзельнікам літаратурнай групы «Варшаўская цыганэрыя» (1840-я).

Творчасць

Паэтычныя зборнікі «Польская зямля» (1848), «Ліра» (1855), «Новая ліра» (1859) прынеслі Т. Ленартовічу славу «мазавецкага лірніка». У вершах ён выкарыстоўваў матывы і інтанацыі фальклорных песень, перадаваў каларыт сялянскага жыцця, прыгажосць вясковых краявідаў. Рэлігійныя ўяўленні народа адлюстраваў у паэмах «Захапленне» (1851) і «Блаславенная» (1854). Тэма паўстання 1794 раскрываецца ў паэме «Рацлавіцкая бітва» (1859). Пад уражаннем паўстання 1863—64 напісаў паэму «Марцін Баралёўскі-Лялевель» (1864).

Т. Ленартовіч стварыў шэраг скульптурных партрэтаў і кампазіцый на гісторыка-патрыятычныя і рэлігійныя тэмы, некаторыя з якіх зараз упрыгожваюць італьянскія касцёлы.

Верш «Каліна» пераклала на беларускую мову Зоф’я Тшашчкоўская (Манькоўская)^[4].

Бібліяграфія

• Wybór poezji. Warszawa, 1991.

Зноскі

1. Teofil Lenartowicz // Benezit Dictionary of Artists — OUP, 2006. — ISBN 978-0-19-977378-7 Праверана 9 кастрычніка 2017.

   <a href='https://wikidata.org/wiki/Track:Q217595'></a><a href='https://wikidata.org/wiki/Track:Q24255573'></a><a href='https://wikidata.org/wiki/Track:Q1547776'></a>
2. Teofil Aleksander Lenartowicz // Internetowy Polski Słownik Biograficzny

   <a href='https://wikidata.org/wiki/Track:Q96022943'></a>
3. Catalog of the German National Library Праверана 18 мая 2025.

   <a href='https://wikidata.org/wiki/Track:Q23833686'></a>
4. Галасы з-за небакраю: анталогія паэзіі свету ў беларускіх перакладах ХХ ст. Склад. М. Скобла. — Мн.: Лімарыус 2008. — 896 с.