Тамара Міхайлаўна Пучкаева

Тамара Міхайлаўна Пучкаева (19 мая 1927, г. Барысаў, Мінская вобласць) — беларускі архітэктар. Кандыдат эканамічных навук (1964).

Тамара Міхайлаўна Пучкаева
Дата нараджэння	19 мая 1927(1927-05-19) (98 гадоў)
Месца нараджэння	Барысаў, Барысаўская акруга, Беларуская ССР, СССР
Грамадзянства	СССР
Альма-матар	Маскоўскі інжынерна-эканамічны інстытут[d] (1950)
Месца працы	Белдзяржпраект БелНДІПгорадабудаўніцтва
Навуковая ступень	кандыдат эканамічных навук (1964)
Член у	Саюз архітэктараў СССР Беларускі саюз архітэктараў

У Вікіпедыі ёсць артыкулы пра іншых людзей з прозвішчам Пучкаева.

Біяграфія

Скончыла Маскоўскі інжынерна-эканамічны інстытут у 1950 годзе, аспірантуру ў 1964 годзе. Працавала ў Белдзяржпраекце, з 1961 года — аспірантка, старшы навуковы супрацоўнік, загадчык аддзела ў БелНДІПгорадабудаўніцтва.

Член Саюза архітэктараў СССР з 1960 года. Пражывала ў Мінску.

Творчасць

Удзельнічала ў распрацоўцы генпланаў Брэста, Ліды, Мінска, Мазыра, Маладзечна, Рэчыцы (1951—1961), ПРП груп адміністрацыйных раёнаў Калінінградскай, Смаленскай вобласці (1974—1981).

Апублікавана больш за 50 прац, у т.л.: «Эканоміка рэканструкцыі жылых раёнаў у гарадах Беларусі» (1961), «Асноўныя кірункі планіроўкі і фарміравання сеткі гарадскіх і сельскіх паселішчаў БССР да 2000 года» (1970); у аўтарскім калектыве: «Кіраўніцтва па складанні схем і праектаў раённай планіроўкі» (1978), «Развіццё сеткі населеных месцаў Беларускай ССР» (1979), «Асаблівасці працэсаў урбанізацыі і рассялення ў Беларускай ССР» (1982).

Зноскі