Удары Ізраіля па Іране (2024)

Асноўны артыкул: Ірана-ізраільскі канфлікт (2024)

19 красавіка 2024 года ў 5:23 раніцы Ізраіль нанёс удары невялікімі беспілотнікамі^[1] па некалькіх ваенных аб’ектах у Іране. Акцыя праведзена ў адказ на папярэднія атакі па ізраільскай тэрыторыі^[2].

Большасць трапленняў адбылося ў горадзе Кахджаварэстан, паблізу Ісфахана^[3]. Горад прымыкае да 8-й базы ВПС^[4]. Дзяржаўныя СМІ Ірана паведамілі, што ізраільскія беспілотнікі над рэгіёнам былі збітыя сіламі СПА^[5]. Пасажырскія самалёты над заходнім Іранам пачалі мяняць маршруты^[6].

Трое іранскіх чыноўнікаў паведамілі The New York Times, што ўдар прыйшоўся па ваеннай авіябазе^[7][1].