Узленскі сельсавет

У́зленскі сельсавет — былая адміністрацыйна-тэрытарыяльная адзінка ў складзе Мядзельскага раёна Мінскай вобласці. Цэнтр — вёска Узла.

Узленскі сельсавет
Краіна	Беларуская ССР
Уваходзіў у	Мядзельскі раён
Уключаў	10 населеных пунктаў
Адміністрацыйны цэнтр	Узла
Дата ўтварэння	12 кастрычніка 1940
Дата скасавання	23 сакавіка 1987

Утвораны 12 кастрычніка 1940 года як Брусоўскі сельсавет у складзе Мядзельскага раёна Вілейскай вобласці БССР. Цэнтр — вёска Брусы. З 20 верасня 1944 года ў складзе Маладзечанскай вобласці, з 20 студзеня 1960 года ў складзе Мінскай вобласці. 23 снежня 1965 года цэнтр сельсавета перанесены ў вёску Узла^[1]. 1 кастрычніка 1973 года сельсавет перайменаваны ва Узленскі^[2]. 23 сакавіка 1987 года скасаваны, тэрыторыя далучана да Сваткаўскага сельсавета^[3].

На момант скасавання ў склад сельсавета ўваходзілі 10 населеных пунктаў: вёскі Альсевічы, Андрэйкі, Бонда, Брусы, Замашша, Лужы, Русакі, Старынкі, Узла і Яжджэнцы.