Уладзімір Іванавіч Бародзіч

У Вікіпедыі ёсць артыкулы пра іншых людзей з прозвішчам Бародзіч.

Уладзі́мір Іва́навіч Баро́дзіч (нар. 1938, в. Аколіца Бабруйскага раёна Магілёўскай вобласці) — беларускі дзяржаўны дзеяч, міністр транспарту БССР і міністр транспарту Рэспублікі Беларусь (1984—1993), кандыдат эканамічных навук.

Уладзімір Іванавіч Бародзіч
Міністр транспарту Рэспублікі Беларусь 19 верасня 1991 — 5 лютага 1993
Кіраўнік урада	Вячаслаў Кебіч
Папярэднік	пасада створаная
Пераемнік	пасада скасаваная
Міністр транспарту БССР 16 чэрвеня 1988 — 19 верасня 1991
Кіраўнік урада	Міхаіл Кавалёў Вячаслаў Кебіч
Папярэднік	пасада створаная
Пераемнік	пасада скасаваная
Міністр аўтамабільнага транспарту БССР красавік 1984 — 16 чэрвеня 1988
Кіраўнік урада	Уладзімір Бровікаў Міхаіл Кавалёў
Папярэднік	Анатоль Андрэеў
Пераемнік	пасада скасаваная
Нараджэнне	1938 Аколіца, Бабруйскі раён, Беларусь
Навуковая ступень	кандыдат эканамічных навук
Узнагароды

Біяграфія

У 1967 годзе скончыў Омскі аўтадарожны інстытут.

Працоўную дзейнасць пачаў ў 1956 годзе аўтаслесарам аўтатранспартнай канторы №1 г. Бабруйска.

У 1957—1960 гадах служыў у Савецкай Арміі. Пасля працаваў на аўтатранспартных прадпрыемствах на розных інжынерна-тэхнічных пасадах.

У 1975 годзе прызначаны намеснікам начальніка, а ў 1976 годзе — начальнікам Гомельскага абласнога вытворчага аўтатранспартнага ўпраўлення.

У 1978 году зацверджаны намеснікам загадчыка аддзела транспарту і сувязі ЦК КПБ. З 1980 па 1982 гады вучыўся ў Акадэміі грамадскіх навук пры ЦК КПСС.

З 1982 па 1983 год — намеснік загадчыка аддзела транспарту і сувязі ЦК КПБ, з лістапада 1983 — намеснік, з красавіка 1984 — міністр аўтамабільнага транспарту БССР. Працаваў на гэтай пасадзе да 1993 года.

Кандыдат эканамічных навук. Абіраўся дэпутатам Вярхоўнага Савета БССР.

Узнагароды

Узнагароджаны ордэнам Працоўнага Чырвонага Сцяга, медалямі.

Спасылкі

• Юбиляр Ассоциации "БАМАП": Владимир Иванович Бородич ... с позиции своего богатого опыта. Архівавана 30 студзеня 2020. (руск.)