Уладзімір Бакуновіч

Уладзімір Бакуновіч (10 снежня 1926, в. Малыя Сцяблевічы, Лунінецкі павет — 23 мая 1992, Дэтройт, ЗША) — беларускі грамадскі дзеяч ЗША, эканаміст.

Уладзімір Бакуновіч
Род дзейнасці	эканаміст
Дата нараджэння	10 снежня 1926(1926-12-10)
Месца нараджэння	Малыя Сцяблевічы, Лунінецкі павет, Палескае ваяводства, Польская Рэспубліка
Дата смерці	23 мая 1992(1992-05-23) (65 гадоў)
Месца смерці	ЗША
Альма-матар	Беларуская гімназія імя Янкі Купалы Лёвенскі каталіцкі ўніверсітэт

У Вікіпедыі ёсць артыкулы пра іншых людзей з прозвішчам Бакуновіч.

Біяграфія

Вучыўся ў польскай і савецкай школах. У 1944 годзе разам з сям’ёй бацькоў апынуўся ў Германіі, дзе да канца Другой сусветнай вайны працаваў у фермера, а потым вучыўся ў Беларускай гімназіі імя Я. Купалы ў беларускіх лагерах у Рэгенсбургу і Віндышбергердорфе^[1].

У 1950 годзе разам з бацькамі выехаў у Аўстралію. У Сіднеі браў удзел у арганізацыі Беларускага аб’яднання ў Аўстраліі. Пазней апублікаваў на старонках газеты «Бацькаўшчына» нататкі пра першыя гады беларускай прысутнасці на кантыненце (друкаваўся пад псеўданімам Уладзімір Сцяблевіч)^[1].

У 1954 г. паступіў на эканамічны факультэт Лювенскага ўніверсітэта ў Бельгіі, дзе ў 1963 г. атрымаў ступень доктара эканомікі^[1].

Пазней пераехаў у ЗША. Жыў у Нью-Брансвіку (штат Нью-Джэрсі), а з 1968 года — у Дэтройце (Мічыган), дзе працаваў як спецыяліст па падатковых справах. Актыўна ўдзельнічаў у дзейнасці БАЗА і Рады БНР^[1]. Прымаў удзел у Пятай сустрэчы беларусаў Аўстраліі, прысвечанай 100-годдзю Янкі Купалы і Якуба Коласа^[2].

Сям’я

Быў жанаты. З жонкай Людмілай выгадаваў пяцёра дзяцей — сына і чатырох дачок^[2].

Зноскі

1. Юрэвіч, Л. Шматгалосы эпісталярыум : гісторыя людзей і ідэй на эміграцыі ў ліставанні / Прадм. і рэд. Н. Гардзіенка. — Мінск: Кнігазбор, 2012. — 660 с. — (Бібліятэка Бацькаўшчыны ; кн. 20). — ISBN 978-985-7007-43-1.
2. Календарыюм // «Czasopis» № 12/2006