Уладзімір Мікалаевіч Кісялёў

У Вікіпедыі ёсць артыкулы пра іншых людзей з прозвішчам Кісялёў.

Уладзімір Мікалаевіч Кісялёў (28 красавіка 1931, в. Шацк, Пухавіцкі раён, Мінская вобласць — 16 студзеня 2021) — беларускі краязнавец, кандыдат эканамічных навук (1986).

Уладзімір Мікалаевіч Кісялёў
Дата нараджэння	28 красавіка 1931(1931-04-28) ці 1931[1]
Месца нараджэння	Шацк, Шацкі сельсавет, Пухавіцкі раён, Беларуская ССР, СССР
Дата смерці	16 студзеня 2021(2021-01-16) ці 2021[1]
Род дзейнасці	краязнавец, гісторык, эканаміст
Навуковая сфера	рэгіянальная гісторыя[d][2], эканоміка[2], гарадскі транспарт[d][2] і гісторыя транспарту[d][2]
Месца працы	БНТУ
Навуковая ступень	кандыдат эканамічных навук (1986)
Альма-матар	Маскоўскі аўтамабільна-дарожны дзяржаўны тэхнічны ўніверсітэт[d] (1955)

Біяграфічныя звесткі

Скончыў Маскоўскі аўтадарожны інстытут (1955). У 1955—1992 гадах працаваў у Мінску на гарадскім транспарце, у Міністэрстве жыллёва-камунальнай гаспадаркі, Беларускай політэхнічнай акадэміі. Заслужаны работнік жыллёва-камунальнай гаспадаркі Беларусі (1981).

Аўтар краязнаўчых прац, прысвечаных Наднямонню (Уздзенскі раён), нарысаў пра вучоных У. Завітневіча і Я. Наркевіча-Ёдку. Вывучаў гісторыю народнай гаспадаркі.

Бібліяграфія

• На истоках неманских. — Мн., 1985.
• Прафесар электраграфіі і магнетызму: Якуб Наркевіч-Ёдка. — Мн., 1988 (разам з В. П. Грыбкоўскім, В. А. Гапоненка).
• Пуцявінамі Наднямоння. — Мн., 1994.
• Асколкі параненай памяці: Аўтабіягр. аповесць / У. М. Кісялёў. — Мн.: Выд. Хурсік, 2004. — 80 с., іл.