Уладзімір Міхайлавіч Лук’янаў

Уладзімір Міхайлавіч Лук’янаў (нар. 25 мая 1972, Берлін, ФРГ) — беларускі гаспадарчы дзеяч і дэпутат.

Уладзімір Міхайлавіч Лук’янаў

У Вікіпедыі ёсць артыкулы пра іншых людзей з прозвішчам Лук'янаў.

Біяграфія

Нарадзіўся 25 мая 1972 года ў горадзе Берліне (ФРГ)^[1].

Скончыў Беларускі дзяржаўны ўніверсітэт, Інстытут дзяржаўнай службы Акадэміі кіравання пры Прэзідэнце Рэспублікі Беларусь^[1].

Працаваў намеснікам дырэктара ПТЧУП «Візус Экспрэс»; дырэктарам ТАА «ОйлКомпані»; намеснікам дырэктара ТАА «АктыўКомпані»; намеснікам дырэктара, першым намеснікам дырэктара па птушкагадоўлі і камерцыйнай дзейнасці, дырэктарам племптушказавода «Беларускі» Мінскага раёна^[1].

Генеральны дырэктар агракамбіната «Дзяржынскі» Дзяржынскага раёна^[1].

Быў членам Савета Рэспублікі Нацыянальнага сходу Беларусі 7-га склікання^[1].

Узнагароды

Мае Падзяку Прэзідэнта Рэспублікі Беларусь, падзякі і падзячны ліст старшыні Мінскага аблвыканкама, падзякі старшыні Дзяржынскага райвыканкама. Узнагароджаны ганаровай граматай Міжпарламенцкай Асамблеі дзяржаў — удзельніц СНД, юбілейнымі медалямі «МПА СНД. 30 гадоў», «100 гадоў прафсаюзнаму руху Беларусі». Удастоены ганаровага звання «Чалавек года Міншчыны — 2018»^[1].