Уладзімір Міхайлавіч Цумараў

Уладзімір Міхайлавіч Цу́мараў (нар. 6 снежня 1960, в. Ананьеўка, Бялыніцкі раён, Магілёўская вобласць, БССР, СССР) — беларускі палітычны дзеяч, старшыня Магілёўскага гарвыканкама (2013—2022).

Уладзімір Міхайлавіч Цумараў
Старшыня Магілёўскага гарадскога выканаўчага камітэта 16 красавіка 2013[1] — 3 кастрычніка 2022
Прэзідэнт	Аляксандр Рыгоравіч Лукашэнка
Папярэднік	Станіслаў Пятровіч Барадаўка
Пераемнік	Аляксандр Віктаравіч Студнеў
Нараджэнне	6 снежня 1960(1960-12-06) (64 гады) Ананьеўка, Запольскі сельсавет, Бялыніцкі раён, Магілёўская вобласць, Беларуская ССР, СССР
Адукацыя	Магілёўскі політэхнічны тэхнікум (1980) Магілёўскі машынабудаўнічы інстытут (1985) Расійская акадэмія дзяржаўнай службы (2002)
Месца працы	ІБіА Дзяржбуда БССР
Узнагароды

Біяграфія

Нарадзіўся ў 1960 годзе ў вёсцы Ананьеўка Бялыніцкага раёна Магілёўскай вобласці^[2]. У 1980 годзе скончыў Магілёўскі політэхнічны тэхнікум, у 1985 годзе — Магілёўскі машынабудаўнічы інстытут, у 2002 — Расійскую акадэмію дзяржаўнай службы пры Прэзідэнце Расійскай Федэрацыі.

У 1980 годзе працаваў старэйшым тэхнікам канструктарска-тэхналагічнага бюро з вопытнай вытворчасцю Інстытута будаўніцтва і архітэктуры Дзяржбуда БССР у Мінску. У 1985—1990 гадах займаў розныя пасады ў Магілёўскіх абласным, а затым гарадскім камітэтах ЛКСМБ.

У 1990—1992 гадах быў кіраўніком аддзела па справах моладзі Магілёўскага гарвыканкама. У 1992—1995 гадах быў дырэктарам Магілёўскага абласнога цэнтра занятасці. З 1995 па 1999 гг. працаваў на пасадзе намесніка старшыні Магілёўскага гарвыканкама. У 1999 годзе стаў кіраўніком адміністрацыі Цэнтральнага раёна г. Магілёва. З 2003 г. па красавік 2013 г. працаваў на пасадзе кіраўніка адміністрацыі Ленінскага раёна Магілёва.

16 красавіка 2013 года прызначаны старшынёй Магілёўскага гарвыканкама^[3]. Пакінуў пасаду ў кастрычніку 2022 года.

Узнагароды

• медаль «За працоўныя заслугі»,
• ордэнам Пашаны (2020)^[4].

Сям’я

У шлюбе з Таісіяй (нар. 08.11.1961). Мае сына Максіма (нар. 18.02.1983), дачок Марыю (нар. 13.01.2008) і Маргарыту (нар. 25.09.2009).

Зноскі

1. Новый председатель Могилевского горисполкома официально вступил в должность (руск.)(недаступная спасылка). TUT.BY. Архівавана з першакрыніцы 14 чэрвеня 2018.
2. Цумараў нарадзіўся ў 1960 г. у в. Ананьеўка Бялыніцкага раёна Магілёўскай вобласці. Архівавана 4 сакавіка 2016.
3. Новы старшыня Магілёўскага гарвыканкама афіцыйна заняў пасаду (нявызн.)(недаступная спасылка). TUT.BY. Архівавана з першакрыніцы 14 чэрвеня 2018.
4. Указ Прэзідэнта Рэспублікі Беларусь ад 22 снежня 2020 года № 483 «Аб узнагароджанні» Архівавана 15 студзеня 2021.