Уладзімір Міхайлавіч Шэйбак

Уладзімір Міхайлавіч Шэйбак (нар. 20 красавіка 1956, г. п. Любча, Навагрудскі раён, Гродзенская вобласць) — беларускі ўрач-нарколаг, біяхімік. Доктар медыцынскіх навук (Расія, 1998; Беларусь, 2004), дацэнт (2007, спецыяльнасць «Тэарэтычная і эксперыментальная медыцына»), прафесар.

Уладзімір Міхайлавіч Шэйбак
Дата нараджэння	20 красавіка 1956(1956-04-20) (69 гадоў)
Месца нараджэння	Любча, Любчанскі раён, Гродзенская вобласць, Беларуская ССР, СССР
Грамадзянства	Беларусь
Месца працы	ГрДМУ Інстытут біяхіміі біялагічна актыўных злучэнняў НАН Беларусі
Навуковая ступень	доктар медыцынскіх навук
Навуковае званне	прафесар
Альма-матар	ГрДМУ
Узнагароды

У Вікіпедыі ёсць артыкулы пра іншых людзей з прозвішчам Шэйбак.

Біяграфія

Скончыў Гродзенскі дзяржаўны медыцынскі інстытут (спецыяльнасць «Лячэбная справа», 1979).

Працаваў у Інстытуце біяхіміі АН БССР (1979—1988, навуковы супрацоўнік), Беларускім філіяле Усесаюзнага навуковага цэнтра наркалогіі Міністэрства аховы здароўя СССР (1989—1992, вучоны сакратар), Гродзенскім дзяржаўным медыцынскім універсітэце (з 1992, медыка-дыягнастычны факультэт, кафедра біялагічнай хіміі, прафесар, у 2000—2011 — загадчык ЦНДЛ).

Навуковыя інтарэсы: мадэляванне паталагічных працэсаў; метабалізм вітамінаў групы B; метабалізм амінакіслот; біяхімія цынку; біяхімія этанолу і марфіну; пошук прыродных біялагічна актыўных злучэнняў.

Узнагароды

Нагрудны знак «Выдатнік аховы здароўя Рэспублікі Беларусь» (2003).

Зноскі