Уладзімір Несцеравіч Дражын

Уладзі́мір Не́сцеравіч Дра́жын (25 верасня 1947, в. Дражна, Старадарожскі раён, Бабруйская вобласць) — беларускі палітык і дыпламат. Ганаровы грамадзянін Нясвіжа (2002).

Уладзімір Несцеравіч Дражын
Намеснік прэм’ер-міністра Рэспублікі Беларусь 24 верасня 2001 — 27 снежня 2005
Прэзідэнт	Аляксандр Лукашэнка
Кіраўнік урада	Уладзімір Ярмошын, Генадзь Навіцкі, Сяргей Сідорскі
Надзвычайны і Паўнамоцны Пасол Рэспублікі Беларусь у Літоўскай Рэспубліцы 13 сакавіка 2006 — снежань 2013
Прэзідэнт	Аляксандр Лукашэнка
Папярэднік	Уладзімір Гаркун
Пераемнік	Аляксандр Кароль
Нараджэнне	25 верасня 1947(1947-09-25) (78 гадоў) Дражна, Падарэскі сельсавет, Старадарожскі раён, Бабруйская вобласць, Беларуская ССР, СССР
Адукацыя	БНТУ
Прафесія	інжынер-механік
Узнагароды

У Вікіпедыі ёсць артыкулы пра іншых людзей з прозвішчам Дражын.

Біяграфія

Нарадзіўся 25 верасня 1947 года ў в. Дражна Старадарожскага раёна Бабруйскай вобласці (цяпер — Мінская вобласць).

У 1965 годзе скончыў Залужскую сярэднюю школу^[1]. Пасля школы тры гады служыў у танкавых войсках Савецкай Арміі.

У 1975 годзе скончыў аўтатрактарны факультэт Беларускага політэхнічнага інстытута па спецыяльнасці «Аўтамабілі і аўтамабільная гаспадарка», скончыў Мінскую вышэйшую партыйную школу.

Працаваў на Беларускім аўтамабільным заводзе.

Дэпутат Вярхоўнага Савета Рэспублікі Беларусь 12-га склікання.

Старшыня Нясвіжскага райвынкама ў 1990—1998 гадах.

У 1998—2000 гадах — намеснік старшыні Мінскага аблвыканкама. 27 красавіка 2000 года прызначаны першым намеснікам старшыні Мінскага аблвыканкама.

З 24 верасня 2001 года^[2] да 27 снежня 2005 года^[3] быў Намеснікам Прэм’ер-міністра Рэспублікі Беларусь. Курыраваў працу сацыяльнай сферы, навукі, гандлю.

У 2005—2006 гадах — член Савета Рэспублікі Нацыянальнага сходу Рэспублікі Беларусь 3-га склікання^[4].

13 сакавіка 2006 года прызначаны Надзвычайным і Паўнамоцным Паслом Рэспублікі Беларусь у Літоўскай Рэспубліцы і паслом у Фінляндскай Рэспубліцы па сумяшчальніцтве^[5].

У снежні 2014 года быў абраны старшынёй Беларускай асацыяцыі гольфа^[6].

Сям’я

• Сын — Вадзім Уладзіміравіч Дражын — скончыў архітэктурны факультэт БНТУ, кандыдат архітэктуры, генеральны дырэктар ЗАТ «ВіяСЕТрэйд», першы намеснік старшыні Беларускага саюза архітэктараў^[7].

Узнагароды

• Ганаровая грамата Савета Міністраў Рэспублікі Беларусь (1997)^[8];
• ганаровая грамата Нацыянальнага сходу Рэспублікі Беларусь (2008)^[9];
• ордэн «Знак Пашаны»;
• ордэн Крыжа прападобнай Ефрасінні Полацкай (2012; Беларуская праваслаўная царква)^[10].

Зноскі

1. Знаменитые выпускники (нявызн.)(недаступная спасылка). Архівавана з першакрыніцы 26 красавіка 2024. Праверана 26 красавіка 2024.
2. Указ Президента Республики Беларусь от 24 сентября 2001 г. № 517 «О назначении В. Н. Дражина Заместителем Премьер-министра Республики Беларусь»(недаступная спасылка) (руск.)
3. Указ Президента Республики Беларусь от 27 декабря 2005 года № 623 «Об освобождении В. Н. Дражина от должности Заместителя Премьер-министра Республики Беларусь»
4. Указ Президента Республики Беларусь от 27 декабря 2005 г. № 632 «О назначении В. Н. Дражина членом Совета Республики Национального собрания Республики Беларусь третьего созыва» Архівавана 10 чэрвеня 2012. (руск.)
5. Указ Президента Республики Беларусь от 13 апреля 2006 г. № 234 «О назначении В. Н. Дражина Чрезвычайным и Полномочным Послом Республики Беларусь в Литовской Республике, Чрезвычайным и Полномочным Послом Республики Беларусь в Финляндской Республике по совместительству и присвоении ему дипломатического ранга Чрезвычайного и Полномочного Посла»(недаступная спасылка) (руск.)
6. Владимир Дражин. В Беларуси у гольфа хорошие перспективы развития
7. Руководство ОО «Белорусский союз архитекторов»
8. Постановление Совета Министров Республики Беларусь от 5 сентября 1997 г. № 1174 «О награждении В. Н. Дражина Почетной грамотой Совета Министров Республики Беларусь»(недаступная спасылка) (руск.)
9. Постановление Президиума Совета Республики Национального собрания Республики Беларусь от 11 марта 2008 г. № 807-ПСР3 «О награждении Н. П. Барановой, К. А. Сумара и В. Н. Дражина Почетной грамотой Национального собрания Республики Беларусь» Архівавана 31 мая 2012. (руск.)
10. Уладзімір Дражын да 65-годдзя атрымаў ад БПЦ ордэн Крыжа прападобнай Еўфрасінні  (бел.). Наша ніва (16 лістапада 2012). Праверана 18 лістапада 2020.(недаступная спасылка)