Уладзімір Сцяпанавіч Адзярыха

Уладзімір Сцяпанавіч Адзяры́ха^[1] (15 лістапада 1937^[1] — 2006^[2]) — вучоны ў галіне геабатанікі, кандыдат біялагічных навук (1971), лаўрэат Дзяржаўнай прэміі БССР (1972).

Уладзімір Сцяпанавіч Адзярыха
Дата нараджэння	15 лістапада 1937(1937-11-15)
Месца нараджэння	Горкі, Слуцкі раён, Беларуская ССР, СССР
Дата смерці	2006
Грамадзянства	СССР  Беларусь
Род дзейнасці	навуковец
Навуковая сфера	геабатаніка
Месца працы	Інстытут эксперыментальнай батанікі імя В. Ф. Купрэвіча НАН Беларусі
Навуковая ступень	кандыдат біялагічных навук (1971)
Альма-матар	Беларускі лесатэхнічны інстытут імя С. М. Кірава (1960)
Навуковы кіраўнік	Іван Данілавіч Юркевіч
Прэміі

Біяграфія

Нарадзіўся ў вёсцы Горкі Слуцкага раёна Мінскай вобласці. Скончыў школу ў Белічах^[3]. У 1960 годзе скончыў лесагаспадарчы факультэт Беларускага лесатэхнічнага інстытута. Працоўную дзейнасць пачаў у Беларускім лесаўпарадкавальным прадпрыемстве «Леспраект»^[3]. З кастрычніка 1964 года працаваў у Інстытуце эксперыментальнай батанікі імя В. Ф. Купрэвіча. Займаў пасады ад старшага інжынера да вядучага навуковага супрацоўніка лабараторыі геабатанікі^[3]. У 1971 годзе абараніў кандыдацкую дысертацыю пад кіраўніцтвам акадэміка І. Д. Юркевіча^[3].

Навуковая дзейнасць

Аўтар навуковых прац па біяцэналогіі, пытаннях аднаўлення, аховы і рацыянальнага выкарыстання лясоў. Адзін са стваральнікаў геабатанічных карт расліннасці Беларусі. Аўтар і сааўтар больш за 125 навуковых прац, у тым ліку 5 манаграфій і 10 карт расліннасці^[3].

Сярод апублікаванага:

• Карта растительности Белорусской ССР [Карты] / Академия наук БССР, Институт экспериментальной ботаники, Отдел геоботаники ; В. С. Адерихо [и др.]; cоставлена под руководством И. Д. Юркевича. — Мн.: Наука и техника, 1969.
• Типы и ассоциации ясеневых лесов : (по исследованиям в БССР) / И. Д. Юркевич, В. С. Адерихо ; Академия наук Белорусской ССР, Институт экспериментальной ботаники им. В. Ф. Купревича, Лаборатория геоботаники. — Мн. : Наука и техника, 1973.
• Растительность Белоруссии, её картографирование, охрана и использование. — Мн., 1979. (разам з І. Д. Юркевічам, Д. С. Голадам).
• Липники Белоруссии. — Мн., 1988. (разам з І. Д. Юркевічам, В. Л. Дольскім).

Узнагароды

• Дзяржаўная прэмія БССР (1972) у галіне навукі.

Зноскі

1. Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1.
2. Адзярыха, Уладзімір Сцяпанавіч (кандыдат біялагічных навук; 1937—2006)
3. Адерихо Владимир Степанович (руск.) // Інстытут эксперыментальнай батанікі імя В. Ф. Купрэвіча НАН Беларусі