Уладзімір Іванавіч Ярмак

У Вікіпедыі ёсць артыкулы пра іншых людзей з прозвішчам Ярмак.

Уладзімір Іванавіч Ярмак (15 мая 1924, Бабруйск — 19 ліпеня 1943, Сінявінскія вышыні, Ленінградская вобласць, Расія) — савецкі вайсковец, Герой Савецкага Саюза, стралок, лейтэнант.

Уладзімір Іванавіч Ярмак
Дата нараджэння	15 мая 1924(1924-05-15)
Месца нараджэння	Бабруйск, Магілёўская вобласць, Беларуская ССР
Дата смерці	19 ліпеня 1943(1943-07-19) (19 гадоў)
Месца смерці	Сінявінскія вышыні, Ленінградская вобласць, СССР
Грамадзянства	СССР
Прыналежнасць	СССР
Гады службы	жнівень 1942 — 19 ліпеня 1943
Званне	радавы
Часць	14-ы асобны штрафны батальён 42-й арміі, Ленінградскага фронта
Бітвы/войны	Вялікая Айчынная вайна
Узнагароды і званні
У адстаўцы	загінуў у баі
Медыяфайлы на Вікісховішчы

Біяграфія

Сын ваеннага, рускі паводле нацыянальнасці. Атрымаў няпоўную сярэднюю адукацыю. Працаваў слесарам на заводзе ў горадзе Ніжні Тагіл.

У Чырвонай Арміі з жніўня 1942, на фронце Вялікай Айчыннай вайны з кастрычніка 1942. Стралок 14-га асобнага штрафнога батальёну (42-я армія, Ленінградскі фронт) лейтэнант Ярмак ^[1] 19 ліпеня 1943 падчас правядзення разведкі боем у раёне Сінявінскіх вышыняў зачыніў сваім целам амбразуру варожае агнявое кропкі, чым забяспечыў групе разведчыкаў выкананне баявога задання.

Пахаваны ў раёне пасёлка гарадскога тыпу Сінявіна Кіраўскага раёна Ленінградскай вобласці Расіі. 21 лютага 1944 пасмяротна атрымаў званне Героя Савецкага Саюза.

Узнагароды

• Медаль «Залатая Зорка» Героя Савецкага Саюза;
• Ордэн Леніна;
• Ордэн Чырвонага Сцяга.

Памяць

• Імем У.Ермака названая вуліца Валодзі Ярмака у Санкт-Пецярбургу.
• Ушанаваны ў мемарыяле «Сінявінскія вышыні».
• У 1997 у скверы на плошчы Кулібіна ў Санкт-Пецярбургу на народныя грошы яму быў усталяваны помнік.