Уладзіслаў Тамаш Брахоцкі

Уладзіслаў Тамаш Брахоцкі (1857 — 1932) — землеўласнік, аганізатар прамысловай вытворчасці ў Беларусі, мецэнат.

Уладзіслаў Тамаш Брахоцкі
Праўдзіц[d]
Нараджэнне	1857
Смерць	1932
Месца пахавання	Ішчална
Род	Брахоцкія
Бацька	Аляксандр Брахоцкі[d]
Маці	Аліна з Мінейкаў[d]
Жонка	Зоф’я Моль[d]
Дзеці	Stanisław Brochocki і Андрэй Брахоцкі
Адукацыя	Новаалександрыйскі інстытут сельскай гаспадаркі і лесаводства[d]

У Вікіпедыі ёсць артыкулы пра іншых людзей з прозвішчам Брахоцкі.

Біяграфія

Паходзіў са шляхецкага роду Брахоцкіх герба «Праўдзіц». Нарадзіўся ў сям’і Аляксандра Брахоцкага (1819—1869) і яго другой жонкі Аліны з Мінейкаў (каля 1830-?).

Уладзіслаў Тамаш актыўна займаўся гаспадаркай і хутка давёў яе да высокага ўзроўню. Уладар радавога маёнтка ў Малым Мажэйкавым (дастаўся ад бацькоў), Морына (перайшоў у спадчыну ад бяздзетнага брата бацькі Антонія Брахоцкага) і Вераскава (атрымаў у спадчыну ад бяздзетнага Уладзіслава Брахоцкага).

У 1893 г. стаў членам Мінскага таварыства сельскай гаспадаркі.

Перад Першай сусветнай вайной ва ўсіх сваіх маёнтках арганізаваў бясплатныя польскія школы. У Вераскаве адчыніў вінакурню і пілараму. Ахвяраваў грошы на будаўніцтва першага польскага тэатра ў Вільні. Першая сусветная вайна падарвала гаспадарку і давяла яго да заняпаду, але потым на працягу некалькіх год вывеў яе на даваенны ўзровень.

Сям’я

Уладзіслаў Тамаш быў два разы жанаты. Ад першага шлюбу з Сафіяй Моль у яго было сямёра дзяцей:

• Аляксандр, атрымаў пасля смерці бацькі Морынава;
• Станіслаў, у спадчыну атрымаў Вераскава;
• Валенты (памёр у 1917 годзе ва ўзросце 24 год);
• Андрэй, атрымаў Малое Мажэйкава,
• Алена;
• Марыя;
• Ганна.

Другі раз жаніўся пасля смерці жонкі на Катажыне Балінскай, з ёй дзяцей не меў.

Літаратура

• Адреса членов Минского общества сельского хозяйства. ― Минск : Паровая типолит. Х. Дворжец, [1889―1897?]. ― 34 с.